Komisioni Ligjeve, tërbohen deputetët e Bashës: Të pafytyrë, votuat kandidatin e non gratës!  

Deputetët e Lulzim Bashës me në krye Enkeljed Alibeajn në Komisionin e Ligjeve e duan Presidentin antikomunist, por nuk shqetësohen që Autoriteti për të Drejtën e Informimit mbi Dokumentet e Ish Sigurimit të Shtetit po dorëzohet në duart e komunistave sepse kanë një tjetër shqetësim madhor.

Katër nga tre anëtarët që u votuan sot hëzonin mbështetjen e Partisë Socialiste për anëtar të Autoritetit për të Drejtën e Informimit mbi Dokumentet e Ish Sigurimit të Shtetit, por ajo që shkaktoi revoltën e këtyre “antikomunistave” është votimi nga Komision i kandidaturës që, sipas tyre, mbështetet nga non grata, Simon Miraka.

“Jeni të pafytyrë se keni bërë një betim që nuk votoni asnjë person të propozuar nga non grata, ja tek e keni firmën, sapo votuat një person që është propozuar nga non grata, po ju tregoj se çfarë përfaqësoni ju, ata njerëz që tjetër thoni dhe tjetër bëni. Jeni betuar ju, keni 6 muaj, që do rrëzoni çdo dokument që vjen nga non gratat, shpjegojeni votën tani,” u shpreh me histeri Gazment Bardhi i cili së bashku me shokët e tij heshti kur u votuan dy komunistat, Altin Hoxha e Genta Sula, ndërsa e pranuan si të mirëqenë komunistin e tretë që vinte si propozim i Edi Ramës!

Kryetarja e Komisionit për Çështjet Ligjore, Administratën Publike dhe të Drejtat e Njeriut Ligjeve, Klotilda Bushka, tha se kandidati në fjalë kishte mbështetjen e 28 deputetëve dhe jo vetëm të grupit të Berishës, ndonëse fliste për një kandidat që ishte pjesë e këtij Atuoriteti për pesë vjet si propozim i Lulzim Bashës, kohë kur për interesat e tij, shefi i Bardhit dhe Alibeajt e konsideronte “antikomunist”.

Kështu kandidatët që do të kalojnë në seancë plenare për votim janë: Altin Hoxha, Genta Sula, Albert Nikolla dhe Simon Miraka.

Ndërkohë që u rrëzuan këto kandidatura: Marçel Hila, Besim Ndregjoni, Gjergj Marku dhe Skender Vrioni.