Komisioni Rregullator shpall rezultatin përfundimtar të zgjedhjeve të 11 majit

Komisioni Rregullator në Komisionin Qendror të Zgjedhjeve ka miratuar sot me tre vota pro dhe dy kundër projektvendimin për shpalljen e rezultatit përfundimtar të zgjedhjeve parlamentare të 11 majit.

Me këtë akt mbylljet zyrtarisht procesi zgjedhor dhe hapet rruga për konstituimin e legjislaturës së njëmbëdhjetë të Parlamentit të Shqipërisë.

Kështu, në Parlamentin e ri, Partia Socialiste do të përfaqësohet me 83 mandate, Partia Demokratike me 50 mandate, Partia Socialdemokrate me 3 mandate, Mundësia e Agron Shehajt me 2 mandate dhe me nga një mandat, Nisma Shqipëria Bëhet dhe Lëvizja Bashkë.

Ndryshe, dy anëtarët e Komisionit Rregullator kërkuan që të mos certifikohej rezultati nisur nga problematikat që janë evidentuar për sa i përket votës së diasporës, PD e cilësoi farsë procesin dhe kërkoi moscertifikimin e rezultateve, PS e konsideroi si të ndershëm dhe akuzoi opozitën se endet në një rreth vicioz, ndërsa për Kryetaren e Komisionit Rregullator, Ilirjana Nano, tha se certifikimi është një çështje në parim pasi vendimmarrja ka kaluar në të gjitha shkallët administrative dhe ankimuese.