Komisionit Rithemelimit PD-së nuk i hapen dyert e blinduara të Lulzim Bashës
Edhe sot anëtarëve të Komisionit të Rithemelimit të Partisë Demokratike, nuk iu hap dera e blinduar e Lulzim Bashës në selinë e PD. Pasi dera kryesore ishte e mbyllur, ata kanë kaluar te dera e pasme e selisë, e cila gjithashtu ka rezultuar e mbyllur.
“Kjo është situata në PD edhe dje edhe pardje erdhë nën deputete dhe anëtar të Rithemeilit selia është e mbyllur është rast unikal që një parti mbyll dyert për mbështetësit e vet, është një parti e mbyllur dhe nesër do të vijnë demokratët të ekszekutojnë vendimin,” tha anëtari i Komisionit të Rithemelimit të PD, Ervin Minarolli ndërsa Mimoza Hajdarmataj shtoi:
“Kjo javë duhet të ishte një javë pune, në këtë seli nuk përgatitet asnjë aksion kundër qeverisë rama, nesër do të vijnë demorkatët ti kthejnë selinë vetes së vet.”
Ndërsa Grigels Muçollari ka akuzuar mashtruesin Gazment Bardhi edhe për emrat e lexuar si pjesëmarrës të Kuvendit të Lulzim Bashës më 18 Dhjetor:
“Këta janë një grup njerëzish që e kanë uzurpuar këtë parti. Bardhi mashtron opinionin publik dhe ata pak demokratë që e mbështesin atë , ai ka lexuar mbi 4 mijë emra tek anit kuvendi që ai lexoi, delegatë që Bardhi ka lexuar janë 1 mijë prej tyre, dhe ai pastj ka lexuar nga dy herë dhe tre herë emrat. 831 emra i ka sajuar emrat në mënyrë të qëllimshme, këta emra nuk janë njerëz real , janë shtuar në mënyrë artificiale, 66 janë emra të shpikur nuk ekzistojnë ose janë një pjesë e emrave që kanë vdekur. Bardhi mashtron opinionit publik.”
Në fund, anëtarët e Komisionit të Rithemelimit të Partisë Demokratike, pas deklaratave që dhanë para dyerve të blinduara të Kryetarit të shkarkuar të PD, Lulzim Basha, i bënë thirrje demokratëve që t’i bashkohen protestës së nesërme e cila zhvillohet në selinë e PD-së.
