Komiteti Teknik, PD: Teatri personal i Kryeministrit!

Edi Rama shpall kryetaren e Komitetit Teknik të Ekspertëve për situatën e COVID-19, Zv/Ministren e Shëndetësisë, por ky “anëtari-kryeministër” e mbledh Komitetin dhe u jep leje të flasin me radhë, përfshi “kryetaren” e Komitetit, thekson Partia Demokratike duke reaguar përmes Ish-Deputetit Bardh Spahia pas shfaqjes së Kryeministrit me këtë Komitet i cili ndonëse përgjegjës përm menaxhimin e situatës së krijuar me COVID-19 u mor me opozitën.

“Sukseset që renditen janë qershia mbi tortë. Vetëm arritje dhe asgjë për t’u rishikuar a reflektuar! Madje edhe faktet se Covidi është shfaqur që në janar nuk vlejnë. Mjekë imazheristë, u janë rikthyer kontrolleve që kanë bërë në Janar dhe kanë publikuar pamje imazherike ku dallohen shenjat e Covid. Ato janë fakte me figurë. Po aq kokëforte si fakte janë tabelat zyrtare të sistemit alert për rastet e gjendjeve virale me temperaturë të lartë deri në 2 Mars 2020,” thekson Dr.Bardh Spahia përmes rrjetit social Facebook duke e shoqëruar me fakte si dhe një foto ku Rama drejton Komitetin dhe është i kudondodhur në projektin Zoom të bashkëbisedimit me Komitetin.

“Nga tamponët e realizuar në këta pacientë me gjendje febrile, plot 62.5% rezulton JO grip stinor! Pra ka qenë Covid? Këtë “ekspertët” nuk e shpjegojnë, e as pamjet imazherike të specialistëve të fushës,” sqaron Dr.Spahia duke shtuar se virusi ka qenë në Shqipëri në që Janar, por ekspertët e Ramës e mohojnë pa sjellë asnjë fakt, por duke dhënë vetëm opinionin që i pëlqen kryeministrit ndërsa përfundon:

Asnjë studim nuk ka as se sa qytetarë e kanë kaluar, sepse Edi Ramës nuk i pëlqen e vërteta, por vetëm trillimi i vet dhe “ekspertët” bëhen verbtazi pjesë e llogarive personale politike të kryeministrit!Të rrojë partia e vazhdojmë sipas skenarit!”