Komunistët nuk njohin kufi, Universiteti elitar amerikan Princeton heq emrin e Woodrow Wilson
Histeria komuniste “Floyd” nuk njeh kufi! Pas përdhosjes së shumë simboleve dhe monumenteve të lirisë amerikane u godit edhe Presidenti amerikan dhe fituesi i çmimit Nobel për Paqe, Woodrow Wilson.
“Racizmi i Wilsonit ka pasur pasoja të rëndësishme, madje matur edhe nga standardet e epokës së tij,” shkroi Presidenti i Universitetit, Christopher Eisgruber në një letër drejtuar punonjësve dhe studentëve të universitetit të cilët në këtë valë të histerisë komuniste vendosën që Universitetit elitar të Princeton t’i ndryshojnë emrin e Institutit të Shkencave Politike që mbante emërin e Ish-Presidentit amerikan Woodrow Wilson.
Princeton nuk e kishte nderuar Wilson, i cili ishte president i SHBA-së nga viti 1913 deri në vitin 1921, për racizmin e tij.
“Sidoqoftë, ky është problemi. Princeton është pjesë e një Amerike që shpesh e ka nënvlerësuar, injoruar apo shfajësuar racizmin,” shkruan Eisgruber në letrën në fjalë që sipas tij kjo ka çuar në lejimin e sistemeve që diskriminojnë zezakët.
Presidenti Wilson ka qenë ndër nismëtarët kryesorë të Lidhjes së Kombeve, paraardhëses së Kombeve të Bashkuara, dhe për këtë ai është nderuar edhe me çmimin Nobel për Paqen.
Por rasti Floyd “i hapi sytë komunistëve” se ai na paska qenë edhe mbështetës i ndarjes racore në SHBA. Në shtetet jugore, rifreskohet memoria e tyre, ai shkarkoi pothuajse të gjithë drejtuesit afrikano-amerikanë në ministri, dhe çimentoi ndarjen e rreptä të punonjësve të zinj dhe atyre të bardhë.
Me rekomandimin e tij bordi mbikëqyrës i universitetit vendosi tani që instituti të quhet tani e tutje “Shkolla e Princeton për Çështje Publike dhe Ndërkombëtare” ( “Princeton School of Public and International Affairs”).
Por në vitin 2016 bordi mbikëqyrës nuk kishte pranuar ta ndryshonte emrin, megjithë protestat e dhunshme të studentëve. Ishte vdekja e George Floyd gjatë një operacioni brutal policor që solli me vete jo vetëm protesta por edhe një analizë të re kritike të temës së racizmit, u shpreh Eisgruber.
Që nga vdekja e Floydit një muaj më parë dhe protestave masive kundër dhunës policore dhe racizmit, përveç shkatërrimit të pasurisë amerikane nga komunistët e tërbuar, shumë institucione dhe kompani në Shtetet e Bashkuara kanë filluar me ndryshimin e emrave ndërsa monumente të shumëta janë përdhosur në emër të kritikës kundër racizmit. Ky vandalizëm dhe histeri komuniste ka detyruar Presidentin Trump të firmos dhe një urdhër ekzekutiv në mbrojtje të monumenteve, por gjithsesi është e qartë se komunistët nuk njohin kufij.
Ndryshe, mbetet i paqartë fati i emrit të Presidentit Barack Obama, pasi periudha kur ai ishte në krye të SHBA, racizmi kishte shifra alarmante edhe pse nuk është dëmtuar prona amerikane si dhe nuk janë përdhosur simbolet amerikane. Apo mjafton fakti kur komunistët janë në pushtet, gjithçka të lejohet!
