Komuniteti shqiptar i Washingtonit feston Krishtlindjen

Komuniteti shqiptar i zonës së Washingtonit kremtoi në prag të Krishtlindjes me një meshë në gjuhën shqipe.

Mesha, e cila u mbajt nga ambasadori i Vatikanit në Shqipëri Charles Brown, iu kushtua gjithashtu dy figurave të rëndësishme të kombit, Gjergj Kastriot Skënderbeut dhe Nënë Terezës.

Ky aktivitet u shënua me krijimin për herë të parë të komunitetit katolik të kësaj zone, por që mblodhi bashkë përfaqësues të diasporës, pavarësisht përkatësisë së tyre fetare./VOA/