Komunizëm ekstravagant/ Merrni shembull, ky është avokat: “Xhisiela vajzë ekstravagante, digjet vetë me cigare?”
Pas përplasjes me gjyqtaren gjatë seancës, avokati i Rexhep Rrajës, Ilir Murati pati dhe një debat me gazetarët gjatë daljes së tij për mediat.
Avokati Ilir Murati tha se gjykata ishte nën një presion politik dhe media ka shtrembëruar të gjithë ngjarjen. Ai përsëriti edhe një herë se akuzat ndaj klientit të tij nuk qëndrojnë, duke shtuar se e dëmtuara duhet të mbaj përgjegjësi për deklarimet që ka bërë:
“Është një moment që në diktatin e politikës gjykatat nuk japin vendime të drejta dhe të bazuara në ligj me tre argumente kryesore: klienti im nuk kishte asnjë rrezik ikje, pasi është paraqitur disa herë në
komisariat. Është paraqitur dhe ditën e arrestimin në komisariatin e Krujës. Ligji nuk e lejon që kur nuk ka rrezik ikje të arrestohet. Momenti i dytë, kur vepra penale nuk paraqet rrezikshmëri të tillë që të arrestohet. Po ashtu dhe kur vetë viktima del përpara jush dhe thotë unë nuk jam e kërcënuar dhe janë të sajuara nga ana ime dhe janë bërë për motive xhelozie kjo është e vërteta. Kjo situatë u hiporbolizua nga media dhe nga politika dhe media dhe gjykata është nën presion.”
Me këtë rast avokati i Rexhep Rrajës sqaroi debatin që kishte me gjyqtaren kur ju paraqitën tri relacione të oficerëve të policisë dhe një përgjim ambiental:
“Po e vërteta është krejt ndryshe, është e vërtetë që Xhisiela ka bërë tre deklarime, dhe të tre deklarimet i ka tërhequr, duke i mohuar. Dhe ne kemi një qëndrim të pabarabartë, kur një person mohon gjithçka
që ka thënë duhet të mbaj përgjegjësi penale për atë që ka bërë. Edhe klienti im ishte i lirë, kjo është nuk është se unë krijova debat me gjyqtaren.”
Ndërsa avokati Murati fliste për ndikim politik, gazetarët i kujtuan se Rrahman Rraja është deputet i PS, dhe mos vjen ndikimi për të cilin ai fliste nga Partia Socialiste:
“Unë nuk thash për asnjë krah politikë, por them që ngjarja u shtrembërua. Deputetët janë të nderuar se janë zgjedhur nga populli. Media e shtrembëroi faktin, ky është problemi.”
Avokatit, me këtë rast, gazetarët i rikujtuan se ekziston edhe një ekspertizë mjekoligjore, që konfirmon dhunën:
Po është një ekspertizë që flet për dhunë, por nuk përcakton kohën se kur është kryer dhuna, se nëse do të ishte koha e dhunimit dhe në do thoshim po është e vërtetë.
Në fund, njëri nga gazetarët prezent në seancën gjyqësore e pyeti avokatin e Rexhep Rrajës për alibin që kishte përdorur para trupit gjykues se “Xhisela është një vajzë ekstravagante dhe t’i ketë bërë vët veprimet me cigare duke u djegur”, Murati shtoi:
“Xhisiela Maloku është një vajzë e sjellshme e kulturuar dhe flet përpara jush sa herë ta kërkoni ju!”
