Komunizmi vret!

Kjo është shprehja epike e të madhit Azem Hajdari! Që komunizmi shet drogë, naftë, armë, cigare etj. të gjithë e dijnë dhe me këtë komunistët edhe mburren, por atë që me kohë e ka paralajmëruar Azem Hajdari, të gjithë demokratët dhe jo vetëm, që protesojnë, duhet ta kenë parasysh. Ky postulat u demonstrua edhe sot në protestën paqësore të opozitës ku dora e krimit ngriti dorë mbi një gazetar që nuk është dakord me Edi Ramën dhe qeverisjen e tij.

Pse u godit Bledi Kasmi! Më shumë se përgjakje e një gazetari i cili kundërshton qeverisjen e Edi Ramës dhe ideologjinë e tij kriminale, u godit një pjesëtar i një shtrese qytetare që kryeministri aktual nuk mund ti takoj kurrë. As atëherë!

Edi Rama mund ti vjedhë paratë e gjithë buxhetit të shtetit, ndërtuesëve e konçesionarëve, por kurrë nuk do ti takojë nivelit shoqëror që i takon Bledi Kasmi. Ky është krimi më i madh që ka bërë gazetari Kasmi, pavarësisht kritikave që bënë çdo ditë.

Sot, qytetarët e Tiranës njohin Pallatin e Kasmëve, i cili u ndërtua me mundin, djersën dhe pasurinë e familjes fisnike së cilës i takon Bledi Kasmi; dhe, Komunën e Parisit, batërdi kjo ndërtimi e cila u bë me idenë dhe dorën e Edi Ramës.

Me paraardhësit e Bledi Kasmit u morën parardhësit e Edi Ramës. Kasmëve, njërës ndër familjeve më të pasura në Shqipëri, komunistët i morën pasurinë e luajtshme dhe të paluajtshme, por nuk arritën ti marin fisnikërinë. Si hajdut që ishin, i plaçkitën mirë pasurinë, dhe si langaraç që ngelën nuk e kuptuan pse nuk mund të vjedhet fisnikëria.

Kjo është edhe arsyeja pse sot kur kalojnë para Pallatit të Kasmëve, qytetarët ngrenë kokën dhe habiten se si shpëtoi kjo godinë nga dora e hajdutëve komunistë dhe u kënaqën vetëm me flakjen në rrugë të kësaj familje fisnike; dhe, kur kalojnë në Komunën e Parisit gëzohen që batërdia nuk është edhe aq e madhe, sa di dhe mendon Edi Rama me të tijët.

Sot, heshtja e shoqatave të gazetarëve të Fugës dhe reagimi kriminal i Edi Ramës dëshmon se rastësia në këtë vepër kriminale nuk ka vend. “Faleminderit të gjithë atyre demokratëve, të cilët nuk duan ta shohin me sy qeverinë, po e refuzuan ftesën për të marrë pjesë në babaleprotestën sa qesharake, aq edhe të pabesë ndaj çdo shqiptari e shqiptareje, që nuk pranon të dëmtojë Shqipërinë për babalepartinë,” thekson kryeministri duke mos i penguar goditja e një gazetari nga forcat e rendit publik, dhe duke harruar të falemnderoj policin kriminel që zbatoi urdhërin e Geronit, Agronit, Fatmirit, Edit…

Këtë e përforcon edhe më shumë heshtja e të parit të kryeqytetit i cili shqetësohej për shkuljen e disa luleve dhe sot nuk shqetësohet për shkuljen e një koke gazetari, aq më shumë që është edhe anëtar i Këshillit Bashkiak të Tiranës!

Në fund, ata që nuk mendojnë si Edi Rama dhe të ngjashmit, duhet të  falemnderojnë policët që refuzuan ftesën për të marrë pjesë në gjakderdhjen që e kishin urdhëruar Edi Rama dhe Fatmir Xhafaj. Këtë Bledi e Kasmi e ka qartë. Komunizmi vret!