Koncesioni Milot- Fier, më në fund foli Balluku: Nga e nxorët pagesën 17.4 euro?!
Ministrja e Energjisë dhe Infrastrukturës, Belinda Balluku, foli më në fund në lidhje me lumin e akuzave opozitare për koncesionin Milot- Fier, dhe është e çuditshme se ndonëse kaloi një javë ajo hedhi poshtë pagesën prej 17.4 euro por jo dhe kostot tjera për të cilat foli opozita që nga shpallja e konesionit e madje edhe sot para daljes së Ballukut në foltoren e parlamentit.
”Javën e fundit, 7 ditë të tëra, kam dëgjuar vrerin e hedhur sa i përket projektit më të madh, të korridorit blu, në pjesën shqiptare, segmentit Milot- Fier. Kam pritur 7 ditë për këtë foltore. Kam zgjedhur mos bëj asnjë prononcim nga foltorja e Ministrisë, pasi nuk i përgjigjem askujt nga rruga, i përgjigjem Murrizit, Rudinës, Halitit, Aurorës. Nuk i përgjigjem atyre që nuk u zë gjumi natën. Qeveria ka lançuar projektin për një ëndërr të shqiptarëve. Nuk u përgjigjem zëdhënësve të qametit, apokaliptikë,” tha Balluku dhe pse është Shqipëria në këtë gjendje dëshmon dhe fakti se kujt i përgjigjet ajo.
Dhe, përgjigjen e gjatë plotë demagogji, që do ta kishte zili edhe krimineli Ramiz Alia, e mori shtruar si në Asamblenë e PS:
“Do e nis nga e para, pse pas lançimit ditën e mërkurë të këtij projekti, nuk u hodhën dokumentacionet në APP. E kam ndaluar unë. E kam ndaluar, sepse vetëm pak minuta pas lançimit u turët në ekrane për të vjellë, jo më baltë, por zift. I kërkova pjestarëve të grupit të punës, të ndalonin, dhe dëgjova deklaratat, dhe analizuam.
Dhe i analizuam nëse mos kishit ndonjë fije të vërtete, nëse na ka shpëtuar ne apo ekspertëve ndërkombëtarë. Kam një pyetje për ju, kush janë ekspertët tuaj. Se ju thoni që ekspertët tuaj thonë që projekti është korruptiv. Janë kompani e atashuar pranë qeverisë financuar nga BE. Në 12 vite nuk bëtë atë që bëri Gjiknuri bëri në 14 muaj, dhe unë në 18 muaj,” tha Ministrja rilindase e Infrastrukturës pa sqaruar se për çfarë pune flet kur njerëzit vetëm IKMT duke shkatërruar panë me sy.
“E kuptoj shumë stresin tuaj, por pres të më prezantoni ekspertët, se unë ja u prezantova. Nuk na del që ta ndërtojmë nga buxheti i shtetit. Por çfarë koncesioni është ky? Qeveria shqiptare nuk vendos asnjë qindarkë. 1 miliardë e 188 mln euro do të vijë nga investitori privat, i cili nëpërmjet një gare ndërkombëtare duhet të fitojë me pagesën më të ulët. Besoj se ju dhashë përgjigje pyetjeve, edhe pse ju nuk meritoni përgjigje.”
Logjikë e fortë e ministres, por nuk është kot e Edi Ramës, dhe pa dhënë asnjë përgjigje pse kilometri ka koston 20 milionë euro, u kap për 17.4 euro për të cilën foli Drejtori i Kabinetit të PD, Dorian Teliti:
“Nga del ky 17.4 euro? Që kur autostradat kanë dalë, paguhen me segmente. Genova- Bari paguhen 150 euro. Apo në autostradat në Greqi. Gjurma ekzistuese, nuk duam të hapim probleme me shpronësimet dhe bizneset.
0.075 euro për kilometër. 7.5 euro për 100 kilometra. Autostradat me pagesë janë autostradat e shpejtësisë. Qytetarët do të mund të zgjedhin rrugën me pagesë apo pa pagesë. Këtë do bëjmë ndryshe nga ju. Ne jemi qeveria e ndërtimit. Ju keni qenë qeveria e shkatërrimit. Dhe kur të kaloni me automjetet tuaja në këtë aks të ri, do thoni e paskan qarë, siç thoni kur kaloni tani në Bypassin e Fierit,” tha Belinda Balluku duke marrë pagesa të çuditshme të austradave nëpër botë kur dihet që në Kroacinë e afërt, 550 km nga Dubrovniku në Trieste paguhen për vetëm 23.4 euro, në një autostradë me cilësinë që toka shqiptare nuk do ta shoh kurrë.
Në fund të këtij ligjërimi politik, Ministrja e Energjisë dhe Infrastrukturës, Belinda Balluku, tha se projekti i shumëkërkuar dhe kontestuar nga opozita sot do të bëhet publik.
