Konfirmimi, kryeministri Albin Kurti: S’ka shtyrje të afatit për targat!

Shtyrje të afatit për targat nuk do të ketë. Këtë e konfirmoi sot kryeministri i Kosovës, Albin Kurti, pas fjalës së mbajtur në Samitin për  Ballkanin Perëndimor që po mbahet në Prishtinë, duke shtuar se kjo do të jetë befasi për kriminelët.

“Nuk duam të befasojmë aleatët tanë, por duam të befasojmë kriminelët,” tha Albin Kurt për mediat duke shtuar:

“Fushata vazhdon, përmes mediave, takimeve me të gjithë akterët që targat RKS të shtohen e ato KM të hiqen. Ne bëjmë më të mirën e mundshme duke mos kursyer energjinë. Këto nuk janë masa kundër serbëve, por për serbët. Jemi të interesuar që të gjithë të jemi të barabartë”.

Shtyrjen e afatit për targat edhe për 10 muaj,  Kosovës ia kanë kërkuar Shtetet e Bashkuara dhe Bashkimi Evropian duke arsyetuar me shmangien e tensioneve në veri, kërkesë kjo që u dëgjua edhe nga ata që e quajnë veten shoqëri civile në veri të Mitrovicës.

Ndryshe, Vendimi për targat ishte parashikuar të hynte në fuqi më 1 gusht, por u shty për një muaj pas incidenteve armatosura që ndodhën në veri të Kosovës.

Presidentja e Kosovës Vjosa Osmani, ditë më parë tha se partnerët ndërkombëtarë duhet adresojnë presionin te Serbia, që është burim i tensioneve sepse çështja e targave mbi të gjitha është çështje sundimit të ligjit.

Duke folur në Samit, Kryeministri i Kosovës, Albin Kurti, rendit të arriturat e qeverisë që ai e drejton për një vit qeverisje.

“Parimi i sundimit të së drejtës që është shumë e ndërlidhur, ligjet duke qenë të aprovuar, janë shprehja përfundimtare e vullnetit të popullit, në një shtet demokratik do të thotë se ligjet duhet do të respektohen nga të gjithë dhe barazia të vlejë për të gjithë, për të pasurit, të varfrit, për të fortit dhe të dobëtit.

Qeveria jonë ka bërë hapa të mëdha. Në vitin e kaluar jemi përmirësuar për 17 vende në indeksin e Transparancy Internacional në indeksin e perceptimit të korrupsionit, dhe në indeksin e shtypit. Jemi në vendin e parë në rajon sipas indeksit të drejtësisë. Autoritete ligj zbatuese, kanë marrë 800 aktivitete, duke arrestuar mbi 2000 persona etj.” tha Kurti duke folur edhe për mbështetjen që qeveria po jep në këtë kohë kur kriza energjetike ka prekur Evropën dhe rajonin.

Duke folur për zhvillimet rreth agresionit rus ndaj Ukrainës dhe efekte në rajon, Kurti tha se Serbia ende po vazhdon të refuzojë të vë sanksione ndaj Rusisë.

“Që nga fillimi i luftës, Beogradi po mbyll sytë, ndaj krimeve të luftës. Presidenti i Serbisë nuk ka shfaqur asnjë pendimi të nënshkrimit të marrëveshjes që ai ka bërë me Rusinë. Kjo po bëhet kur Rusia ka tkurrur me qëllim furnizimin me vendet evropiane. Po ashtu Marrëveshja tjetër është alarmante, kur Beogradi dhe Moska janë pajtuar për politikën e tyre të jashtme,” tha Albin Kurti duke shtuar se Kosova ka treguar se është aleat i besueshëm për të gjitha shtetet demokratike.

“Kosova ka marrë pjesë në ushtrimet ‘Defender Europe. Jemi të parët që kemi vënë sanksione ndaj Rusisë. Jemi shteti që kemi strehuar refugjatët nga Afganistani, po ashtu edhe strehë për gazetarët nga Ukraina.”

Ndërkohë Ambasadori i SHBA në Prishtinë, Jeffrey Hovenier, në panelin e titulluar:“Rritja e qëndrueshme, prosperiteti dhe stabiliteti në Ballkanin Perëndimor” tha se Shtetet e Bashkuara mbështesin Kosovën në rrugën e saj drejt integrimit euro-atlantik.

“Është urgjente pas sulmit brutal dhe i pajustifikuar. Prioriteti i jonë është mbështetja në integrimet evropiane për Ballkanin Perëndimor. SHBA e mbështet Kosovën për integrim në strukturat euroatlantike, duke përfshirë edhe  zhvillimin e FSK-së. Kosova duhet të jetë në NATO, ajo duhet të merr vendin e vet, të marrë pjesë në klube dhe të flas për veten. 

Kjo administratë ka përgatitur një ekip dhe i jep vëmendje një varg çështjesh. Ne dëshirojnë që punojmë bashkërisht dhe kemi pasur vizionin për të pasur një Evropë të pastër siç e ka thënë Bushi i vjetër. Prioritet tona janë për një rejon për paqe dhe prosperitet dhe e them diçka që e ka ritheksuar se sulmi brutal i Rusisë në Ukrainë, është dëshmi e tentimit për ta destabilizuar botën, pra prioriteti jonë është që të mbështeten integrimet e vendeve të Ballkanit në Evropë,” tha Ambasadori amerikan Jeffrey Hovenier duke përfunduar:

“Ne mbështesim nismat që për aq kohë që vendet marrin pjesë barabartë. Ne tërë rajonin kemi plotë programe dhe japim para, këtu në Kosovë kemi tri qëllime strategjike. Ambasada jonë nuk dëshiron të humb kohë nëse nuk janë barabartë me tri qëllimet tona.Ne duam që dialogu të përfundojë dhe që Kosova të jetë pjesë e NATO-s. Ne mendojmë se duhet të bëhet më shumë për rritjen ekonomike, ka sfida në sektorin energjetik dhe për të tentuar për të tërhequr investitorë të huaj.”

Ndryshe, Samiti i Ballkanit Perëndimor ‘2022 është organizuar nga The Economist, në bashkëpunim me Zyrën e Kryeministrit të Kosovës.