Konflikti në Cetinje, Komersant: Lëvizje politike e KOS për llogari të Vuçiçit!
Shugurimi i mitropolitit serb, Joanikije në Manastirin e Cetinjes ka shkaktuar destabilizim serioz politik në Mal të Zi, shkruan sot e përditshmja ruse “Komersant” ndërkohë ekspertët vlerësojnë se kjo është lëvizje politike e Kishës Ortodokse Serbe për llogari të Vuçiçit, që po çon në destibilizimin e rajonit.
Protestën ku morën pjesë mijëra njerëz policia i ka shuajt me dhunë, e mitropolitin Joanikije me kryepeshkopin e Serbisë Porfirije, ushtria e Malit Zi i transportoi me helikopter, e përditshmja ruse e ka analizuar në detaje në artikullin e saj të titulluar “Shugurimi i zbarkuar malazez”.
Ekspertët vlerësojnë se në Mal të Zi pason periudha e destabilizimit, e cila sipas tyre, mund të anashkalohej sikur shugurimi mos të mbahej në manastirin e Cetinjes, por në cilin do objekt fetar.
Këtë lloj vendimi mund ta merrte vetë Kishta Ortodokse Serbe, SPC, ose Qeveria e Malit të Zi e cila do të ndalonte çfarëdo lloj zhvillimi në Cetinje, shkruan Komersant, por si SPC ashtu dhe Kryeministri e Zv/Kryeministri malazez ishin kundër transferimit të kësaj ceremonie për shkak të protestave.
Shkaqet, shumë ekspertë i shohin tek ndikimi që ka Presidenti i Serbisë, Aleksandar Vuçiç, si tek Qeveria aktuale e Malit Zi ashtu dhe Kisha Ortodokse Serbe, i cili mund të jetë i interesuar për destabilizimin e fqinjëve, për të shpërqendruar vëmendjen nga problemet që ka në vendin e tij, shkruan Komersant.
E përditshmja ruse citon historianin dhe politikologun, Milivoje Beshlina i cili thotë se ekizston bindja e bazuar se të gjitha vendimet rreth krizës në Cetinje i ka marr Presidenti i Serbisë.
Komersant thekson fjalët e politikologut malazez Zlatko Vujoviç se insistimi në atë që mund të sjell konflikt, para së gjithash është lëvizje politike e Kishës Ortodokse Serbe për llogari të Vuçiçit, e kjo është – destibilizimi i rajonit, gjë e cila pikërisht po ndodhë.”
Për rrezikun e destabilizimit në Mal të Zi flet edhe përçarja e madhe në mes të besimtarëve orthodoks, shkruan e përditshme ruse duke theksuar rezultatet e një studimi të profesores Olivera Komara nga Universiteti në Podgoricë, ku shumica e besimtarëve orthodoks janë mbështetës të SPC (43 për qind), por kjo kishë nuk e ka “monopolin shpirtëror “.
E përditshmja ruse Komersant thekson se 21 për qind e besimtarëve orthodoks mbështetë Kishën Orthodokse të Malit të Zi të cilën nuk e njeh Kisha Orthodokse Serbe, deri sa 35 për qind e besimtarëve dëshirojnë që Kisha Orthodokse të jetë një e përbashkët.
Ndërkohë Drejtori për Situata Emergjente pranë MPB të Malit Zi, Miodrag Beshoviç, ka bërë të ditur se dje dy pilotë kanë refuzuar që të transportojnë dy klerikët në Cetinje.
“Si arsye theksuan se nuk ekzistojnë kushtet e sigurisë për aktivitetin me helikopter,” tha Beshoviç duke shtuar se kundër tyre janë marrë masa disiplinore sipas ligjit. Në fund, mësohet se Mitropoliti serb i Malit të Zi dhe Kryepeshkopi i Serbisë në ceremoninë e shugurimut në Cetinje janë transportuar me helikopterin e Ushtrisë Malit Zi. ©pafrike.al
