Kongresi i PPE/ Basha me liderët evropianë: Anëtarësimi i Shqipërisë në BE!

Kryetari i Partisë Demokratike, Lulzim Basha, po merr pjesë në Kongresin e Partisë Popullore Europiane, PPE, që nisi sot punimet në Zagreb ku pritet të zgjidhet Presidenti i ri i PPE, e kandidati i vetëm është Presidenti aktual i Këshillit Europian, Donald Tusk.

Në punimet e Kongresit, krahas kancelares Angela Merkel, Presidentes së zgjedhur të Komisionit Evropian, Ursula von der Leyen, kryetari i PD, Lulzim Basha do të mbajë një fjalim ashtu si dhe fituesit e zgjedhjeve në Austri, Sebastian Kurz , Kryetari i Grupit PPE në Parlamentin Evropian, Manfred Weber, krerët e shteteve dhe qeverive të Qipros, Bullgarisë, Letonisë, Greqisë, Rumanisë, Kroacisë, Irlandës, me të cilët Basha do të takohet edhe gjatë Samitit të krerëve të PPE-së.

Kongresi i Partive Popullore Europiane mbahet në Kroaci i cili merr presidencën e radhës për herë të parë në Janar 2020.

Ndërkohë kryetari i Partisë Demokratike, Lulzim Basha ka planifikuar takime me zyrtarët më të lartë të BE dhe drejtues të vendeve anëtare, ku fokusi kryesor është anëtarësimi i Shqipërisë në BE.