Kongresi i PS i hap sytë Të djathtës shqiptare: Krimi shtetëror duhet të dënohet!
Pas 33 vjetë terrori progandistik vendor e ndërkombëtar mbi të përndjekurit politik dhe pronarët e plaçkitur nga Partia Komuniste, nga ky krim i madh shtetëror që la të vdekur dhjetëra mijëra persona ndërsa burgosi dhe internoi qindra mijëra shqiptar, se duhet ta harrojnë të kaluarën dhe të shikojnë nga ardhmja, erdhi 8 Dhjetori i vitit 2023 dhe Kongresi i pasardhëses së kësaj partie kriminale që t’i hap sytë pjesëtarëve të kësaj shtrese të persekutuar që kryesisht është dhe e djathta shqiptare për ti dhënë mesazhin kryesor se “krimi shtetëror duhet të dënohet”!
Dhe jo vetëm kaq! Kongresi i Partisë Socialiste nisi me këtë mesazh duke kërkuar drejtësi për 21 Janarin ndërsa njëri ndër ekstremistët më të mëdhenj të kësaj partie dhe Ish-Zv/Kryeministri Erion Baçe, nuk shihte as arsye pse duhet të përmbahet!
“Nuk e kam kuptuar kurrë pse më 21 janar në ditët që pasuan, edhe dje. Më thuhej përmbahu. Pse duhet të përmbahem? Forca vdekjeprurëse me dashje është monopol i shtetit por ama në kushte të ligjit, por në shkelje të ligjit me dashje është pushkatim pa gjyq dhe në bulevard ka ndodhur një pushkatim pa gjyq. Gjykata thotë se 4 protestuesit kanë qenë jo të dhunshëm,” tha Erion Braçe në Kongresin e PS, dhe nga ana tjetër kanë kaluar 33 vjet e asnjëri prej familjarëve të 5543 të pushkatuarëve, mbi 14 mijë të burgosurëve, 987 të vdekurëve në burg e mbi 300 që përfunduan në psikiatri, si dhe mbi 22 mijë të internuarëve me familje, që nuk e kanë kuptuar pse duhet të përmbahen për këto krime shtetërore.
Po, krimi shtetëror duhet të zbardhet dhe të dënohet, dhe familjet e mbi 300 fëmijëve duhet ta dinë pse u është marrë gjaku në Kampin e Tepelenës për ti pastruar gjakun Diktatorit Enver Hoxha, të burgosurit në Spaç, Qafë Bari dhe Burrel, nuk kanë arsye të përmbahen por duhet të kërkojnë drejtësi për njerëzit e tyre që u varën në litar vetëm pse kërkuan të drejtat e tyre; Madje, në Spaç u varën në litar vetëm pse kërkuan anëtarësim në OSBE, aty ku lideri i kësaj partie që kërkon drejtësi në Kongres për krimin shtetëror, kapardisej kur e kryesoj duke e quajtur arritje historike! Dhe, mos të harrojmë se partia e tij kriminale vari në litar dhe qenin Tarti që ishte në krah të burgosurëve të revoltës së Spaçit!
Por, sikur mos të ishte kjo parti pasardhëse e Enver Hoxhës, do të kishte shqiptar që do të shpresonte në drejtësi, por kur dëgjon Ministrin e Drejtësisë, Ulsi Manja, që vjedh vota dhe thotë sot se sa i takon strukturave ligjzbatuese, Shqipëria renditet pas Britanisë së Madhe dhe Zvicrës.
E Ulsiu i shkretë ndonëse nuk është i vetmi që i ka shpëtuar prangave, nuk është as i vetmi që gënjen në këtë parti kriminale.
Për të kuptuar pse u quajt dhe Kongres i Jashtëzakonshëm, shqiptarët u ndihmuan nga Ministrja për Marrëdhëniet me Parlamentin, Elisa Spiropali, kur e kuptuan se kripa dhe buka na qenkan më të lirat në botë.
Në pritje për të kuptuar se kujti i thotë “botë” kjo militante e Edvin Skenderbeut shqiptarët dhe jo vetëm, dëgjuan dhe broçkullën më epike që mund ta nxjerrë nga goja një njeri normal:
Suksesi është kolektiv, përgjegjësitë janë individuale!
“Shqipëria po vrapon për të kapërcyer pengesat dhe vonesat e saj historike. Për të bërë në sa më pak vite atë që vende të tjera e kanë bërë në dhjetëra e qindra vjet, shpesh duke kaluar nëpër rrugë të përgjakshme. Liria dhe shteti i së drejtës nuk janë akte që realizohen në një ditë natë, as në pak vjet, janë procese që kërkojnë durim, sakrificë dhe vendosmëri, ide hde vizion, përkushtim dhe tolerancë.
Ne socialistët shqiptarë kemi dëshmuar se dimë të marrim përgjegjësi dhe të jemi përgjegjës për fatet e Shqipërisë. Ky është destini ynë të ciline ka gdhendur në mermer vullneti i përsëritur i qytetarit shqiptar 8 herë në 9 ballafaqime elektorale të njëpasnjëshme nën drejtimin e Edi Ramës. Shqipëria po jeton ditë të jashtëzakonshme.
Ky Kongres i jashtëzakonshëm i PS-së, është pjesë e përpjekjeve tona për të qenë katalizator të ndryshimit dhe të vetëkorrigjimit. Sfida jonë është e ardhmja dhe projektimi i saj i pakthyeshëm si një vend evropian. Në një vend më të mirë qeverisur më të drejtë, më të lirë, një vend të njerëzve të fortë me më shumë mundësi jetese dhe oportunitete në jetë, me standarde me më shumë drejtësi shoqërore, më të arsimuar, më të aftësuar dhe më të shëndetshëm,” tha Elisa e Skenderbeut pa treguar pse po braktiset ky vend nga Shqipëria dhe pse PISA thotë se nxënësit shqiptar janë ndër më analfabetët në botë.
Ndryshe, punimet e Kongresit janë ndarë në 6 panele: Reforma në Drejtësi dhe Lufta kundër Korrupsionit, Prioritetet zhvillimore, Qeverisja Vendore, Siguria dhe Shqipëria në botë si dhe Partia Socialiste 2030, ndërsa pasardhësi i Enver Hoxhës, Edvin Kristaq Rama, do të jetë pjesë e panelit “Siguria dhe Shqipëria në botë”, si dhe do të përmbyll punimet me një fjalë drejtuar elektoratit të tij kriminal dhe jo vetëm.
