Kongresi i Sindikatave/ Zotimi, Basha: Do hetohen PPP-të dhe ish-ministrat!

Kryetari i Partisë Demokratike, Lulzim Basha sot në Kongresin e VII-të të Bashkimit të Sindikatave të Pavarura të Shqipërisë, duke paralajmëruar se PPP do trajtohen si vepër e dyshuar kriminale dhe hetim të ish-ministrave, premtoi ulje taksash dhe cilësi të sigurisë në punë ndërsa u zotua se brenda 6 muajve të parë të qeverisjes, paga minimale do të shkojë në 300 euro dhe deri në fund të mandatit, paga minimale rritet në 400 euro.

“Askush prej jush këtu dhe mijëra punëmarrës nuk duhet të ketë asnjë dyshim PD është një parti me besim te te ekonomia sociale e tregut, te arsimimi e shëndeti, ndaj dua që sot ta them qartë përkushtimin tonë të parë , deklaroj para kësaj asambleje vendimin e PD për të kaluar brenda 6 muajorit të parë masën e pagës minimale 300 euro dhe brenda 4 viteve të para në 400 euro për t’i shërbyer dinjitetit të punëmarrësve pa të cilët nuk ka mirëqenie.”

E pashmangshme ishte siguria në punë, aq më shumë kur dihet se në mungesë të saj, vetëm në 6 muajt e fundit kanë humbur jetën 25 persona:

“Vetëm në 6 muajt e fundit media ka raportuar 25 familjarë që kanë humbur jetën nga aksidentetet në punë, numri i përgjejgësve zero, masa të marra zero. Babëzia shpërfillja e zhvesh njeriu nga vlerat më njerëzore. Numri i aksidenteve në punë është më i lartë se sa raportohen në media. Problemi kryesor i mungesës së kushteve, problemi i pandëshkueshmërisë, i mosinvestimit në kushtet e sigurisë është korrupsioni. Skema e përfitimit të përbashkët, nuk ka shembull më tragjik se kjo se humbja e jetës së 25 familjarëve në vetëm 6 muaj,” tha duke paralajmëruar se në ditët e para të qeverisjes së Partisë Demokratike do të hartohet një Plan Kombëtar për të hetuar PPP që do trajtohen si vepër e dyshuar kriminale:

“Do vëmë para përgjegjësisë çdo zyrtar, nga juristi më i thjeshtë të kryeministri dhe çdo person që mendon ta vendosë Shqipërinë përballë dy dilemave, të paguajë për koncesionet apo për kushtet e sigurisë së forcës punëtore. Për mua zgjidhja është e thjeshtë dhe vendimi është marrë, nuk do tërhiqem nga paga minimale, sdo pranoj që fëmijët e shqiptarëve të mbeten në shkolla primitive, vendimin e kemi marrë dhe do i japim fund koncesioneve dhe PPP korruptive e do kthejmë çdo qindarkë te qytetarët shqiptarë.”