Konstituimi i Këshillit Bashkiak/ Nesër protestë, PD: Edi Rama mos luaj me zjarrin!

Prefekti i Shkodrës, Çesk Millja, ka thirrë për nesër mbledhjen për konstituimin e Këshillit Bashkiak dhe shpalljen e vlefshmërisë mandatit të Kryetarit të Bashkisë Shkodër edhe pse Valdrin Pjetri ka dhënë dorëheqje pas akuzave të konfirmuara të PD për trafikantin e drogës të dënuar në Itali, por nga ana tjetë Partia Demokratike Dega Shkodër ka bërë thirrje për protesta nesër në orën 10:00 aty Edi Rama mendon ta bëjë edhe provokimin e fundit:

“Rilindasit zgjodhën Ish-Komitetin e partisë për të konstituar këshillin ilegjitim vetëm për të provokuar qytetarët e Shkodrës. Ne nuk mund të pranojmë të jemi dëshmitarë të vendosjes së një tjetër regjimi. I bëjmë thirrje Edi Ramës të mos luajë me zjarrin, të mos luajë me Shkodrën! Shkodra do të dijë sërish t’i dalë për Zot vetes,” thekson përmes deklaratës PD Dega Shkodër duke ftuar të gjithë të bashkohenpër dinjitetin e qytetit të Shkodrës !

Njoftimi:

Partia Demokratike Dega Shkodër, ditën e nesërme në orën 10:00, para Prefekturës do të organizojë një protestë paqësore për mbrojtjen e vlerave të demokracisë e të dinjitetit tonë si qytetarë të Shkodrës.

Ne nuk duhet asesi të pranojmë konstituimin e një këshilli ilegjitim e aq më pak në rektoratin e Universitetit “Luigj Gurakuqi”. Aty ku krejt pranë, 30 vite më parë jemi mbledhur të gjithë pa asnjë ndasi politike, të majtë e të djathtë për rrëzimin e regjimit komunist. Pikërisht vendin që me 2 Prill, 4 dëshmorët e Demokracisë e lanë me gjakun e tyre e ku qindra të tjerë u plagosën. Rilindasit zgjodhën Ish-Komitetin e partisë për të konstituar këshillin ilegjitim vetëm për të provokuar qytetarët e Shkodrës. Ne nuk mund të pranojmë të jemi dëshmitarë të vendosjes së një tjetër regjimi. I bëjmë thirrje Edi Ramës të mos luajë me zjarrin, të mos luajë me Shkodrën! Shkodra do të dijë sërish t’i dalë për Zot vetes.

Prandaj i ftojmë të gjithë të bashkohen me ne,për dinjitetin e qytetit tonë,për dinjitetin e Shkodrës !