“Konstituimi Këshillit Bashkiak”, Shkodra në protestë…

Pas vendimit të Prefektit të Shkodrës me urdhër të Kryeministrit që të hënën të konstituohet Këshilli Bashkiak dhe të shpallet vlefshmëria e Kryebashkiakut ndonëse Valdrin Pjetri dha dorëheqje pasi u konfirmua si trafikant droge, Kryetari i PD Dega Shkodër, Xhevdet Amuli, duke konstatuar përdhosjen nga Edi Rama të mesazhit qytetar i cili u dha më 30 Qershor, fton shkodranët të hënën në protesë:

“Takohemi të hënën, ora 10.00, përpara Prefektures së Shkodrës, për të vijuar paqësisht protestën tonë,në mbrojtje të demokracisë dhe për të shprehur refuzimin për kapjen e qeverisjes vendore nga krimi e korrupsioni,” thekson Xhevdet Amuli përmes rrjetit social Facebook duke bërë thirrje që qytetarët të bëhen bashkë në mënyrë që zëri dhe vullneti i shkodranëve të mos përdhosen nga vullneti i vetëm një njeriu ndërsa përfundon:

“Shkodra është e qytetarëve të saj dhe jo lodër në dorën e Edi Ramës.”

Ja statusi i plotë:

Përpjekja e 30 qershorit për të instaluar një pushtet monist është refuzuar në mënyrë plebishitare nga qytetarët e Shkodrës.

Por mesazhi i tyre qytetar dhe i kulturuar po përdhoset nga Edi Rama dhe përfaqësuesit e tij në Shkodër.

I bëjmë thirrje qytetareve te Shkodrës pa asnjë ndasi politike, që ditën e hënë, ora 10.00, të bëhemi të gjithë bashkë, që zëri dhe vullneti jonë të mos përdhosen nga vullneti i vetëm një njeriu. Shkodra është e qytetarëve të saj dhe jo lodër në dorën e Edi Ramës.

Takohemi të hënën, ora 10.00, përpara Prefektures së Shkodrës, për të vijuar paqësisht protestën tonë,në mbrojtje të demokracisë dhe për të shprehur refuzimin për kapjen e qeverisjes vendore nga krimi e korrupsioni.

partiademokratikeShkodër #pd #XhevdetAmuli