Konstituohet Parlamenti i ri i Kroacisë
Sot është konstituuar Parlamenti i ri i Kroacisë, i njëmbëdhjeti me radhë që nga shpallja e pavarësisë.
Me 144 vota për dhe 6 kundër, Kryetari i Parlamentit është zgjedhur për herë të tretë, Gordan Jandrokoviç ndërsa janë zgjedhur dhe 3 nga 5 nënkryetarët, që i takojnë shumicës së re parlamentare: Zhelko Reiner nga radhët e HDZ, Ivana Penav nga DP dhe Furia Radina nga pakica kombëtare italiane.
Ndryshe, nga zgjedhjet parlamentare të 17 prillit, nga gjithsej 151 deputetë HDZ me aleatë ka fituar 61 ulëse, koalicioni i SDP 42, Lëvizja atdhetare 14, Ura dhe Sovranistët 11, Mundemi! 10, nga dy ulëse IDS dhe Platforma e pavarur veri, dhe një ulëse Fokus. Tetë mandate i takojnë pakicave kombëtare.
