Konstituohet Parlamenti i ri i Serbisë

Në Serbi sot është bërë konstituimi i përbërjes së re të Parlamentit. Me betimin e deputetëve, filloi afati prej 90 ditësh për formimin e Qeverisë së re.

Dhe, derisa seanca po mbahej, dhjetëra njerëz protestuan para ndërtesës së parlamentit, duke brohoritur se kjo legjislaturë nuk ka legjitimitet.

Në zgjedhjet parlamentare në Serbi, lista e presidentit serb, Aleksandar Vuçiç, ka fituar më së shumti vende, 188 nga gjithsej 250.

Lista e Partisë Socialiste të Serbisë “Serbia e Bashkuar” ka 32 deputetë, dhe Lidhja Patriotike Serbe SPAS, 11 mandate.

Katër parti të pakicave kanë siguruar ulëse në Parlament.

Lidhja e Hungarezëve të Vojvodinës ka fituar nëntë deputetë, Lista e Muamer Zukorliç do të ketë katër deputetë, ndërsa SDA e Sanxhakut dhe Alternativa Demokratike Shqiptare – Lugina e Bashkuar kanë nga tre mandate.

Zgjedhjet e përgjithshme janë mbajtur më 21 qershor.