Kontrata e mirëmbajtjes së Tunelit të Llogarasë, PD: Edhe 2.7 mln euro u fshehën nga shqiptarët
Kostoja e Tunelit të Llogarasë sa shkon rritet, dhe denoncimi i fundit sot vjen nga zëdhënësja e Antikorrupsionit në PD, Genta Vangjeli, ku 200 milionë eurove për ndërtim dhe 2 milionë eurove për supervizim i shtohen edhe 2.7 milionë euro për mirëmbajtje.
“Kush tha se tuneli i Llogarasë kushtoi vetëm 200 milionë euro për ndërtim dhe 2 milionë euro për supervizim. Fatura nuk mbaron këtu.
Më 23 maj 2025, Autoriteti Rrugor Shqiptar lidh një kontratë 4-vjeçare me ‘Gjoka Konstruksion’ dhe ‘4 AM’ sh.p.k. Objekti: mirëmbajtja dhe operimi i Tunelit të Llogarasë. Vlera: 2.7 milionë euro. Pa llogaritur supervizimin. Dhe sot, çfarë shohim? Një tunel që u ka kushtuar shqiptarëve rreth 204 milionë euro,” thotë Genta Vangjeli për tunelin që rrjedh ujë dhe për të cilin qytetarët do të paguajnë nga 100 deri në 5 mijë lekë për çdo kalim
Ky është realiteti i veprave të Edi Ramës, thotë Partia Demokratike, ku mbikëqyrja e punimeve iu besua ‘Net Group’ sh.p.k., kompani e lidhur me ish-drejtorin e ARRSH-së, Evis Berberin, dhe me Hill International, kompani kjo e dëgjuar së fundi.
“Sipas dëshmive publike të ish-zv/kryeministrit Arben Ahmetaj, Hill International ka mbuluar shpenzimet për akomodime në hotele të Edi Ramës, Belinda Ballukut dhe Delina Ibrahimaj. Ky është modeli i qeverisjes. Vepra publike për xhepa privatë,” thekson zëdhënësja e Antikorrupsionit në PD, Genta Vangjeli, ndërsa Partia Demokratike kërkon drejtësi duke përfunduar:
“PD kërkon që drejtësia të provojë se nuk është nën urdhrat e Edi Ramës. Dhe drejtësia fillon aty ku duhet: me përgjegjësit e këtyre megaskandaleve, me Edi Ramën në krye.”
Deklaratë:
Të nderuar qytetarë,
Dhjetëra denoncime dhe kallëzimi penal i Partisë Demokratike për tunelin e personalizuar të Llogarasë vazhdojnë të mos kenë asnjë pasojë ligjore.
As për Edi Ramën
As për Belinda Ballukun.
Por koha tregoi se opozita kishte të drejtë.
Shqiptarët po vidhen.
Shqipëria trajtohet si pronë personale e Edi Ramës.
Tenderët janë të stisur.
Fondet publike shkojnë në xhepat e pushtetit dhe klientëve të tij.
Kush tha se tuneli i Llogarasë kushtoi vetëm 200 milionë euro për ndërtim dhe 2 milionë euro për supervizim.
Fatura nuk mbaron këtu.
Më 23 maj 2025, Autoriteti Rrugor Shqiptar lidh një kontratë 4-vjeçare me ‘Gjoka Konstruksion’ dhe ‘4 AM’ sh.p.k.
Objekti: mirëmbajtja dhe operimi i Tunelit të Llogarasë.
Vlera: 2.7 milionë euro.
Pa llogaritur supervizimin.
Dhe sot, çfarë shohim?
Një tunel që u ka kushtuar shqiptarëve rreth 204 milionë euro.
Një tunel për të cilin qytetarët do të paguajnë nga 100 deri në 5 mijë lekë për çdo kalim
Dhe një tunel që … rrjedh ujë.
Ky është realiteti i veprave të Edi Ramës.
Mbikëqyrja e punimeve iu besua ‘Net Group’ sh.p.k., kompani e lidhur me ish-drejtorin e ARRSH-së, Evis Berberin, dhe me ‘Hill International’.
Mesa duket, supervizimi nuk ka ekzistuar realisht.
Por pagesat kanë ekzistuar, dhe kanë qenë të majme.
Sipas dëshmive publike të ish-zv/kryeministrit Arben Ahmetaj, Hill International ka mbuluar shpenzimet për akomodime në hotele të Edi Ramës, Belinda Ballukut dhe Delina Ibrahimaj.
Ky është modeli i qeverisjes.
Vepra publike për xhepa privatë.
Partia Demokratike kërkon drejtësi.
Kërkon që drejtësia të provojë se nuk është nën urdhrat e Edi Ramës.
Dhe drejtësia fillon aty ku duhet:
me përgjegjësit e këtyre megaskandaleve,
me Edi Ramën në krye.
Faleminderit.
