Kontrollet për inceneratorin e Elbasanit, shoqërohet vëllai i deputetit të PS Saimir Hasalla

Vëllai i deputetit të PS, Saimir Hasalla është shoqëruar në policia pasi i janë gjetur në banesë 30 fishekë

Në kuadër të hetimeve për çështjen e inceneratorit të Elbasanit, policia ka kryer kontrolle në disa banesa, ku gjatë kontrollit në banesën e Denis Hasallës është gjetur një sasi e municionit luftarak.

Aktualisht, pritet vendimi i prokurorit të çështjes për të përcaktuar nëse ndaj tij do të lëshohet urdhër ndalimi apo masa të tjera procedurale.

Shoqërimi është bërë në kuadër të hetimeve që po zhvillohen për aferën e inceneratorit të Elbasanit.

Ndryshe, Denis Hasalla ushtron detyrën e drejtorit të Kabinetit në Bashkinë Peqin.