Korça e paralizuar, Aliolli: Paratë e mirëmbajtjes, në xhepin e Sotiraq Filos

Nënkryetarja e Partisë Demokratike të Korçës, Ledina Aliolli i ka bërë thirrje kryetarit të Bashkisë, Sotiraq Filo të marrë masa për situatën e krijuar në Korçë, ku sipas saj për shkak të uljes së temperaturave qyteti është i paralizuar.

Korça prej disa ditësh po përjeton dimer të ashpër,me borë intensive dhe temperatura polare, por asgjë nuk e shqetëson dhe vë në levizje bashkinë e Korçës, thekson Ish-deputetja e PD, Aliolli duke reaguar për situatën e krijuar, ku ajo thotë se Korça është bllokuar totalisht dhe pushteti vendor nuk ka marrë asnjë masë për t’i ardhur në ndihmë banorëve.

“Rrugët që lidhin shumicën e lagjeve periferike të qytetit, po ashtu edhe lagjet karakteristike, janë në  pritje të një lopate kripë, se për borëpastruese as që behet fjalë. Në kulmin e dimrit, korçarët rrezikojnë shëndetin në çdo moment, teksa ju duhet të ecin nëpër rrugët e mbytura nga bora dhe akulli.”

Në vështiresi për të qarkulluar kanë qenë këto ditë acari edhe ambulancat e spitalit të Korçës, të cilat para se të shkonin tek pacientët në emergjencë shëndetësore, kanë harxhuar minuta të tëra kohe të çmuar, për të vendosur dhe hequr zinxhirët, thekson nënkryetarja e PD-së duke kërkuar nga kryebashkiaku që të vihet në lëvizje dhe të aktivizojë masat për të zgjidhur situatën.

Por, Sotiraq Filo, thotë ajo, nuk ka kuroajo ti kërkojë llogari për këtë shërbim firmave private, pasi sipas saj i ka futur në xhep paratë e tenderit të mirëmbajtjes së rrugëve.

“Ky është shërbimi që ju ofron bashkia e Korçës qyetarëve të saj, taksapaguesve model, më të cilët tallen tenderfituesit e preferuar të pushtetit, që nuk ka guxim t’ju kërkoje llogari, për shërbimin skandaloz. Përkundrazi! Bashkia e Filos, në vend që të aktivizoje mekanizmat e kontrollit, të mënyrës se si zbatohen kushtet e kontratës nga subjekti, qe fut ne xhep milionat e tenderit te pastrimit, e shperblen ate, duke i dhene tender pas tenderi.”

Sot, konstaton nënkryetarja e PD-së së Korçës, Ledina Aliolli, jeta dhe shendeti i qytetareve nuk kërcënohet nga dimri i ashpër, se Korça vend malor është dhe klimë kontinentale ka, por nga makuteria dhe papërgjegjshmëria e atyre që qeverisin dhe pasurohen pangopësisht në kurriz të njerëzve të thjeshtë.

“I bëj thirrje kryetarit të bashkisë, ndërgjegjes së tij njerëzore dhe qytetare, që të kthehet në detyrën që ka marrë përsipër të bëjë dhe, që i ngarkon ligji dhe të menaxhojë situatën e pastrimit të rrugëve nga bora dhe akulli,” thekson Aliolli duke i bërë thirrje Zotit Filo, të dal nga Pazari, ku që dy vjet është i ngujuar, të del dhe shikon ç’bëhet nëpër qytet, jo vetëm në qendër, dhe të dëgjoj ankesat e qyetetarëve të shumicës së lagjeve të Korçës, se janë për të dhe vetëm për të.

“Lere koncertin me kitare dhe festivalin me drita ne qender, leri ahengjet me shoket e deshperuar nga humbja e karrikes dhe ktheju detyres funksionale dhe drejto bashkine, mos u bej regjisor i shfaqjeve bajate, prodhuar skutave te Pazarit. Nëse ne mes te dimrit, bashkia, me buxhet prej nje miliard lekesh, nuk ka kripe per tju hedhur rrugeve te Korçës, mendo çfare ndodh me dhjetra te pastrehe dhe lypes, qe enden rrugeve, ne pritje te gjetjes se nje strehe, per t’i shpetuar kthetrave te dimrit,” thekson nënkryetarja e PD-së së Korçës, Ledina Aliolli duke përfunduar:

“Zoti Filo! Korçarët janë në pritje të reagimit të menjëhershëm institucional dhe jo të hartimeve nga ekipi i propagandës.”