Korea e Jugut: Kim Jong-un s’është i sëmurë. Trump: E di si është, nuk e them dot!
Kim Jong-un ndoshta nuk ka marrë pjesë në festën kryesore korenaveriore të 15 Prillit për shkak të koronavirusit, por jo që është i sëmurë, tha sot ministri koreanojugor për Korenë e Veriut.
Asnjëherë nuk ka ndodhur që lideri koreanoverior Kim Jong-un të mungoj në ceremoninë publike të ditëlindjes së gjyshit të tij dhe babait të kombit, Kim II Sung, dhe nga ky moment nuk është parë në publik kur dhe kanë filluar spekulimet mbi shëndetin e tij.
Zyrtarët koreanojugor theksojnë se se nuk kanë vërejtur lëvizje të pazakonshme në Korenë Veriore dhe kundërshtojnë raportimet mbi sëmundjen e Kimi Jong-un.
Ndërkohë Korea Veriore vazhdon të raportoj se nuk ka raste me koronavirus, por për shkak të faktit se ka marrë masa të rrepta për parandalimin e përhapjes së koronavirusit, mungesa e Kimi Jong-un në ceremoni nuk është ndonjë gj e jashtëzakonshme, u tha deputetëve ministri për bashkim i ngarkuar për Korenë e Veriut, Kim Yeon-chul.
“Zhdukja e Kim Jong-un”
“Është e vërtetë se, prej se ka ardhur në pushtet, kurrë nuk ka munguar në përvjetorin e ditës së lindjes së gjyshit të tij Kim II Sung, por shumë darka solemne dhe përvjetore janë anuluar për shkak të shqetësimit nga përhapja e koronavirusit,” tha Kim Yeon-chul në seancë parlamentare.
Të paktën në dy raste, tha ai, që nga muaji shkurt, Kim Jong-un është zhdukur për rreth 20 ditë.
“Nuk mendoj se është diçka e jashtëzakonshme duke pasur parasysh situatën aktuale (koronavirusin).”
Ndërkohë Presidenti i SHBA, Donald Trump tha se e ka perceptimin se si është Kim Jong-un, shpreson të jetë mirë, por nuk do që ta sqaroj këtë gjë.
Kryeministri i Japonisë, Shinzo Abe tha se e ka të qartë për atë që raportohet për shëndetin e Kim Jong-un dhe se me kujdes po përcjell zhvillimin e ngjarjeve. Ndryshe, Korea Veriore ka anuluar disa ngjarje të mëdha dhe ka mbyllur kufijtë dhe ka vendosur masat e karantinës në mënyrë që të parandaloj përhapjen e koronavirusit.
