Korea e Veriut dhe ajo e Jugut vazhdojnë negociatat, tensionet në rritje

Korea e Veriut dhe ajo e Jugut sot zhvillojnë negociata ushtarake në pikun e rritjes së tensioneve pas zbulimit të SHBA për fillimin e ndërtimit të raketave balistike.

Takimi, i dyti me radhë pas atij në qershor, zhvillohet në fshatin kufitar Panmunjom në zonën e demilitarizuar, DMZ, dhe është vazhdim i samitit ndërkorean të muajit prill ku liderët e dy vendeve  kanë ra dakord  të ulin tensionet dhe të ndalojnë “të gjitha veprimtaritë armiqësore”.

Kim Do-gyun, kryenegociatori i Koresë së Jugut i cili pranë Ministrisë së Mbrojtjes është përgjegjës për politikën koreanoveriore, para nisjes në DMZ u tha gazetarëve  se do të angazhohet në uljen e tensioneve  dhe ndërtimin e besimit.

Javën e kaluar, Ministria koreanojugore e Mbrojtjes ka shpallur si hap të parë në zbatimin e marrëveshjes, uljen e numrit të pikave të vendrojeve dhe pajisjet përgjatë kufirit të përcaktuar.