Koronavirus kriza, Zv/Presidentja e KE: Evropa e varur nga pajisjet e Kinës dhe Indisë!

Bashkimi Evropian nuk ka dështuar vetëm me gatishmërinë për ta luftuar epideminë dhe mënyrën se si e la Italinë në mëshirën e fatit, por Zv/Presidentja e KE për Drejtësi, Vera Jourova, e pranon se Evropa është e varur në mënyrë patologjike nga Kina dhe India sa i përket furnizimit me ilaçe dhe pajisje mjekësore gjatë krizës së koronavirusit.

“Kjo krizë ka zbuluar vartësinë  tonë ndaj Kinës dhe Indisë për ilaçe,” tha Jourova gjatë një debati në televizionin publik të Çekisë.

“Kjo na bënë më të dobët dhe duhet të përgjigjemi me një ndryshim radikal,” tha komisionerja çeke e ngarkuar për vlera dhe transparencë pranë Komisionit Europiane. “Do të analizojmë rrjetin e furnizimit dhe do të bëjmë përpjekje që të mbështetemi tek prodhimet evropiane. Kemi marrë një leksion të madh,” tha Jourova duke e bërë të qartë se deri në fund të muajit, Komisioni Europian duhet të hartoj Planin Strategjik në lidhje me këtë çështje, kur dhe duhet t’ia dorëzoj Parlamnetit Europian dhe shteteve anëtare të BE.