Koronavirusi, Basha: Koha nuk pret. PD propozon…
Partia Demokratike duke ftuar qeverinë që në këtë kohë krize të zbatojë pa kompleks masat e ekonomike dhe sociale të propozuara nga PD, kërkon dhe rishikimin e menjëhershëm të buxhetit të vitit 2020, me qëllim alokimin e fondeve të nevojshme për përballimin e situatës me koronavirus, rritjen e fondeve në buxhet për mbrojtjen shëndetësore në tërësi dhe rritjen e fondeve në buxhet për mbrojtjen sociale, sidomos ndaj atyre të moshës së tretë.
Reagimi:
Qeveria ka planifikaur 40 here me shume fonde për oligakarkët sesa për luftën kundër koronavirus.
PD propozon rishikimin e menjëhershëm të buxhetit të vitit 2020, me qëllim:
Alokimin e fondeve të nevojshme në përballimin e kostove për testimet për personat që mund të jenë prekur nga COVID -19 dhe për trajtimin e të sëmurëve, numri i të cilëve është rritur që nga momenti i zbulimit të “pacientit 0” dhe pritet të rritet dita-ditës. Nuk duhet të ketë mungesë fondesh për të blerë të gjitha pajisjet, kitet e nevojshme testuese dhe aparaturat për trajtim, sepse koha nuk pret, koha kushton jetë!
Rritjen e fondeve në buxhet për mbrojtjen shëndetësore në tërësi.
Rritjen e fondeve në buxhet për mbrojtjen sociale, sidomos ndaj atyre të moshës së tretë.
Këto alokime fondesh dhe mbështetja me fonde të menjëhershme janë plotësisht të mundura, po të kemi parasysh se vetëm gjatë këtij viti, qeveria ka planifikuar të harxhojë 40 herë më shumë për PPP-të, sesa ka alokuar për koronavirusin: 120 milionë euro janë planifkuar për 10 oligarkë dhe 12 PPP, ndërkohë që vetëm 3 milionë euro janë alokuar për krizën e koronavirusit.
