Koronavirusi, Ish-Ministri i Shëndetësisë: Nuk është murtaja, shumica e kalojnë pa simptoma!

Koronavirusi nuk është murtaja. Fakti që je i infektuar me të nuk sjell patjetër vdekjen. Kështu u shpreh mjeku i njohur dhe Ish-Ministri i Drejtësisë, Leonard Solis, duke shtuar se në përgjithësi njerëzit e kalojnë koronavirusin pa simptoma.

Virusi u përhap kaq shumë, tha Dr.Solis, për shkak se ishte shumë tinëzar dhe i pakuptueshëm, dhe sot më të rrezikuarit janë të moshuarit, si dhe personat që vuajnë nga sëmundje të tjera.

“Ka shumë të panjohura ende, por ajo që duket është që 80% dhe më shumë e njerëzve të cilët janë të shëndetshëm e kalojnë edhe asimptomatikë. Kjo ishte ana epidemiologjike pse u përhap kaq shumë. Ishte e pangjyrosur, e pakuptueshme, shumë tinëzare dhe një njeri që e kalonte shumë kollaj e përhapte tek tjetri,” tha Dr.Leonard Solis duke qetësuar dhe qytetarët se nuk të troket vdekja vetëm se infektohesh:

“Jo! Shumica e kalojnë edhe asimptomatikë. Shumica e kalojnë mirë. Njerëzit që kanë probleme bashkëshoqëruese, të cilat janë mosha, është faktor risku. Persona që janë kardiopatë, hepatitë, diabet etj. Unë jam optimist që njerëzimi do t’i dalë edhe ne do t’ia dalim.”