Koronavirusi ka marrë 60 mijë jetë njerëzish në Evropë, vetëm në Itali 17.669

Numri i të prekurve me koronavirus ka shkuar mbi 1.5 milionë ndërsa në botë tashmë janë shënuar mbi 88 mijë viktima ndërsa janë shëruar 319.292 njerëz.

Sipas të dhënave të fundit të Mbrojtjes Civile në Itali, janë 800 raste të reja më shumë dhe 60 të vdekur më pak. Gjatë 24 orëve të fundit kanë vdekur 542 njerëz duke e çuar numrin e të vdekurve në 17.669.

Raste të reja në 24 orët e fundit janë 3.836 duke e çuar në 135.586 numrin e të prekurve me koronavirus. Deri më tani janë shëruar 24.392 njerëz, derisa aktiv janë 94.067 raste.

Në Spanjë në 24 4orët e fundit kanë vdekur 757 njerëz, ka bërë të ditur Shtabi i Krizë, duke e çuar numrin te të vdekurve në 14.555 ndërsa të prekur janë 146.690, dhe të shëruar janë 48.021 njerëz.

Gjatë 24 orëve të fundit u zbuluan 6.180 raste të reja, duke u shënuar dhe stabilizimi i nivelit të rritjes me 4.3 për qind.

Në Britaninë e Madhe gjatë 24 orëve të fundit 938 të prekur me koronavirus kanë humbur betejën duke e çuar në 7.097 numrin e të vdekurve ndërsa ishte dhe dita më e zezë që nga shfaqja me COVID-19.

Janë testuar 282.074 pacientë prej të cilëve 60.733 kanë rezultuar pozitiv.

Ndërkohë kemi vlerësimin e ri për vdekshmërinë ku sipas ideatorëve të politikave shtetërore parashikohet që nga koronavirusi mund të vdesin 60 mijë amerikanë, dhe uljen prej 26 për qind të epilogut fatal.

Janë shënuar 1.800 të vdekur dhe 30.000 raste të reja gjatë 24 orëve të fundit  ndërsa raportohet për 425.769 mijë të infektuar dhe 14.604 të vdekur që nga shfaqja e koronavirusit.  Ndërkohë Wuhani, prej nga nisi e gjithë kjo dramë, pas 11 javësh nuk është më në karantinë.