Koronavirusi, Kroacia ashpërson masat, ekspertët kinez të kënaqur me masat në Serbi
Në Kroaci janë edhe 19 raste duke e çuar kështu në 254 numrin e të prekurve me koronavirus ndërkohë Shtabi Kombëtar i Mbrojtjes Civile ka vendosur që të gjitha tregjet e frutave dhe perimeve pasi është konstatuar se qytetarët nuk respektojnë distancën e rekomanduar si masë për mbrojtje nga përhapja e COVID-19.
Duke folur për rritjen e numrit të prekurve me koronavirus, kryeministri Andrej Plenkoviç tha se në Kroaci kemi paralelisht krizën për shkak të tërmetit por në mënyrë të centralizuar drejtimi i dy krizave po shkon shumë mirë. Ai shprehu shqetësimin për distancën sociale ashtu si dhe ministri i Shëndetësisë, Vili Berosh dhe ai i Punëve të Brendshme, Davor Bozhinoviç.
Në Serbi janë edhe 34 raste të reja duke e çuar numrin në 222 të prekurve me koronavirus, por pas takimit të Shtabit të Krizës me ekspertët kinezë që erdhën në Beograd, këta të fundit u shprehën të kënaqur me masat e autoriteteve serbe për të ndalur përhapjen e koronavirusit, ku përfshihet edhe ndalim qarkullimi nga ora 17 deri në 5 të mëngjesit dhe shëtitja e qeneve dhe maceve nga ora 20-21 nën kushte të caktuara.
Ndërkohë është shënuar edhe viktima e dytë nga koronavirusi nën Serbi. Fjala është për një grua 92 vjeç e cila po kurohej në Beograd.
Ministri i Shëndetësisë, Zllatibor Llonçar e bëri të qartë se masat që janë propozuar për nesër dhe nuk do të thotë që nuk do të ashpërsohen për ditët në vijim
Ministri i Shëndetësisë i Maqedonisë së veriut, Venko Filipçe, tha se gjatë 24 orëve të fundit janë regjistruar edhe 29 raste të reja duke e çuar në 114 numrin e të prekurve nga koronavirusi ndërkohë është shënuar edhe viktima e parë, një grua 57 vjeçe nga Kumanova, e cila pasi ka ndërruar jetë është diagnostikuar me COVID-19. Filipçe tha se ajo dy herë kishte rezultuar negativ ndërsa javën e fundit është trajtuar në izolim në spitalin e Kumanovës.
Në Maqedoninë e Veriut ka hyrë në fuqi ora policore e cila nis në orën 21.00 dhe do të zgjasë deri në orën 06.00 të mëngjesit.
Instituti i Shëndetit Publik, IJZCG, raporton edhe për 5 raste të reja duke e çuar në 21 numrin e të prekurve me koronavirus në Mal të Zi.
“Sapo është kryer analiza e 10 rasteve ndërsa janë duke u kryer edhe 8. Koronavirusi i ri është konfirmuar tek 5 persona, dhe që të gjitha janë të ndërlidhura me rastet ekzistuese,” thekson përmes një njoftimi Instituti i Shëndetit Publik të Malit Zi, IJZCG, ndërsa përfundon:
“Në Mal të Zi tani kemi gjithsej 21 të infektuar me koronavirus të ri. Nën mbikëqyrje shëndetësoro-sanitare janë 5.565 persona.”
Në Bosnje Hercegovinë janë shënuar 32 raste të reja duke e çuar në 126 numrin e të prekurve me koronavirus ndërsa është shënuar edhe viktima e parë, që është një grua nga Bihaçi. Shtabi Federal i Mbrojtjes Civile të Bosnje Hercegovinës prezantoi masat e reja ku lëvizja ndalohet nga ora 18:00 deri në orën 05:00 të mëngjesit, distanca e detyrueshme sociale prej 1.5 metra pa njeri në krah dhe transporti i taksisë me vetëm një udhëtarë. Ndërkohë janë dhënë 212 gjoba për mosrespektim të masave si dhe janë izoluar 9.037 persona.
Kreu i Shtabit të Krizës të Kantonit Sarajevë, Prof.Dr.Aida Pilav e konfirmoi se tek 3 persona është konfirmuar koronavirusi dhe kanë lidhje me përvjetorin e kompanisë Igman në Konjicë.
