Koronavirusi/ Muaji i Shenjtë i Ramazanit, Arabia Saudite: Mos u mblidhni për lutje!
Këshilli i Lartë i Dijetarëve, si trupi më i lartë fetar i Arabisë Saudite ka kërkuar nga myslimanët në mbarë botën që të mos mblidhen për lutje gjatë muajit të shenjtë të Ramazanit, në mënyrë që të parandalojnë përhapjen e koronavirusit, raporton BBC.
Këshilli kërkon që myslimanët duhet “të shmangin tubimet sepse ato janë shkaku kryesor i përhapjes së infeksionit”, raporton Agjencia Saudite Shtetërore e lajmeve.
Arabia Saudite, me shumicë sunite, raporton RFE, ka mbyllur xhamitë e saj, duke përfshirë – Xhaminë e Madhe në Mekë – si pjesë e masave kundër përhapjes së koronavirusit.
Ndërkohë, udhëheqësi Suprem i Iranit të sunduar nga Shiitët, Ayatollah Khamenei, ka thënë që myslimanëve nuk u kërkohet të agjërojnë gjatë Ramazanit, nëse veprimi i tillë paraqet një kërcënim për shëndetin e tyre.
