Koronavirusi/ Mungojnë pajisjet, Basha: Të hiqet dorë nga propaganda!

Deri sa në shtetet fqinje situata me koronavirusin sa shkon dhe rëndohet, Kryetari i Partisë Demokratike, Lulzim Basha, se pas verifikimit pranë qendrave shëndetësore nga PD gjendja nuk është siç e paraqet propaganda e qeverisë dhe se në pjesën më të madhe të qendrave mungojnë pajisjet mbrojtëse dhe spitalore.

“PD po ndjek seriozisht dhe me përgjegjësi situatën për marrjen e masave kundër përhapjes së corona virus-it në vend. Grupe pune po kryejnë verifikime pranë qendrave shëndetësore, spitaleve & vendkalimeve kufitare, dhe gjendja nuk është siç e paraqet propaganda e qeverisë,” thekson Lulzim Basha përmes rrjetit social Twitter duke i bërë thirrje qeverisë të heqë dorë nga propaganda ndërsa përfundon:

” Në pjesën më të madhe të qendrave mungojnë pajisjet mbrojtëse dhe spitalore. Duhet urgjent heqje dorë nga propaganda dhe përgatitje serioze për përballimin e situatës së mundshme të corona virus-it që tashmë është i pranishëm në pothuajse të gjitha vendet fqinje me Shqipërinë.”