Koronavirusi në Itali, Attilo Fontana: Edhe një ditë pozitive!

Në Itali, gjatë 24 orëve të fundit kanë vdekur 760 të prekur nga koronavirusi ndërsa janë shënuar 4.668 raste të reja, duke vazhduar me trendin e rënies së rasteve të reja i cili zgjatë për disa ditë.

Numri i të prekurve deri më sot është 115.242, prej të cilëve 83.049 janë aktualisht të sëmurë, 4.053 prej të cilëve në gjendje kritike.

Në izolim janë 50.456 persona ndërsa janë shëruar 18.278 persona.

Guvernatori i Lombardisë, rajon ky më i godituri nga koronavirusi ku vetëm sot kanë ndërruar jetë 367 persona, tha se është optimist.

“Kjo është edhe një ditë pozitive. Rënia e numrin të prekurve me koronavirus dhe i të vdekurve do të filloi të bie për disa ditë,” tha Attilo Fontana.

Ndryshe, më shumë se 3.9 miliardë njerëz janë në izolim për shkak të pandemisë së koronavirusit, raporton Agjencia e lajmeve AFP ndërsa numri i të vdekurve ka kaluar mbi 50 mijë.

Kështu brenda 24 orëve në Spanjë janë shënuar 950 viktima, Britaninë e Madhe 569, Holandë 166, Belgjikë 183. Ndërsa në rajon, në Serbi kanë vdekur tre persona, Slloveni 2 e në Kroaci 1.