Koronavirusi në Itali, kurba ka arritur kulmin, karantina kombëtare deri më 13 Prill

Gjatë 24 orëve në Itali janë shënuar edhe 4.782 të prekur ndërsa vdekur 727 të infektuar me koronavirus ndërsa autoritetet italiane shëndetësore janë shprehur sot se kurba e infektimit ka arritur kulmin dhe duhet shtuar përpjekjet që numri i të infektuarëve të filloi të bie.

Mbrojtja Civile sot duke përditësuar të dhënat sot tha se numri i të vdekurëve ka arritur 13.155, që është dhe numri më i madh i të vdekurve nga COVID-19 në botë.

Numri i përgjithshëm i të infektuarve është 110.574, që është një rritje prej 4.5 për qind në ditë ndërsa në gjendje kritike aktualisht janë 4.035 pacientë.

Ministri i Shëndetësisë, Roberto Speranza, gjatë fjalës së tij në parlament tha se optimizmi i thjeshtësuar mund të varros përpjekjet e deritanishme:

“Shenjat e para pozitive nuk do të thotë se ka kaluar rreziku,” tha Speranza duke konfirmuar se karantina kombëtare e cila përfundon më 3 Prill do të zgjatet derimë 13 Prill, deri të dielën e Pashkëve.

Ndërkohë Zyrtari i lartë i Mbrojtjes Civile, Agostino Miozzo, tha se paknaqësia shoqërore e cila buron nga karantina është njëri ndër aspektet e rëndësishme të krizës.

“Në fillim të krizës fokusi ishte në shpëtimin e jetëve të njerëzve, por sot kur i gjithë vendi është në shtëpi, e kuptojmë që situata është shumë stresuese,” tha Miozzo ndërsa sjell në vëmendje konfliktet në radhë për blerjen e ushqimeve në supermarket, rritjen e rrezikut nga dhuna në familje, si dhe tensionet sociale në rritje.