Koronavirusi në Shqipëri/ Ministria e Shëndetësisë firmos urdhrat e parë: Mbyllen shkollat, kopshtet, aktivitetet publike. Asnjë…

Pas mbledhjes së jashtëzakonshme të Qeverisë, e cila u zhvillua sapo u identifikuan rastet e para me koronavirus, Ministria e Shëndetësisë dhe Mbrojtjes Sociale ka firmosur urdhrin për mbylljen e institucioneve arsimore me qëllim parandalimin e përhapjes së koronavirusit.

Gjithashtu është firmosur edhe urdhri i ndalimit të eksportit të barnave dhe pajisjeve mjekësore.

Si dhe vetëkarantinimin e personave që hyjnë në Shqipëri nga zonat e izoluara në Itali.

Ministria e Shëndetësisë ka urdhëruar anullimin e grumbullimeve masive në vende të mbyllura apo të hapura.

Dhe në fund, ajo që u tha edhe në mbledhjen e Qeverisë dhe vlerësohet si shumë e rëndësishme, Urdhërohet kufizimi i lëvizjes së shoqëruesve dhe/ose familjarëve të pacientëve nëpër spitale.