Koronavirusi në Shqipëri/ Për 24 orë u testuan 48 të dyshuar, 5 rezultuan pozitiv

Nga 505 raste të dyshuarar deri më sot, 38 kanë rezultuar të prekur me koronavirus, dy prej të cilëve janë në terapi intensive në Spitalin Infektiv.

Duke publikuar të dhënat e fundit lidhur me situatën e përhapjes së COVID-19 në Shqipëri, Drejtorja e ISHP, Albana Fico, bën me dije se nga 38 të prekurit 12 janë të shtruar në Spitalin Infektiv, 2 prej tyre janë në terapi intensive ndërsa pjesa tjetër e të shtruarve në pavion janë në gjendje të stabilizuar deri në këto momente:

“Në 24 orët e fundit nga ana e Institutit të Shëndetit Publik në bashkëpunim me epidemiologët e Njësive Vendore të Kujdesit Shëndetësor, ka vazhduar pa u ndalur puna në terren, për identifikimin e rasteve dhe për gjurmimin e kontakteve të rasteve të konfirmuara tashmë me Covid-19.

Deri në këto momente janë testuar 505 raste të dyshuara dhe prej tyre janë të konfirmuar pozitivë me COVID-19, 38 raste“.

Nga rastet e konfirmuara pozitivë:

Tiranë 22 raste
Durrës 5 raste (njëri prej të cilëve ka ndërruar jetë)
Lushnje 2 rast
Elbasan 2 raste
Fier 5 raste
Rrogozhinë 2 raste

Prej tyre:
12 jane të shtruar në spitalin Infektiv (nga Tirana, Durrësi, Fieri, Lushja dhe Rrogozhina)

Dy prej tyre janë në terapi intensive, një 66 vjecar nga Lushnja dhe një 61-vjecare nga Fieri.

Ndërsa pjesa tjetër e të shtruarve në pavion janë në gjendje të stabilizuar deri në këto momente.

Fico iu drejtua me një thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi.

“Të kufizojmë rrezikun sa më shumë të jetë e mundur!”