Koronavirusi në Slloveni, testohet e gjithë popullsia, ja cili është rezultati

Qeveria e Sllovenisë nesër zyrtarisht do të prezantoj rezultate kombëtare të hulumtimit mbi përhapjen e koronavirusit në popullsi, e ministri i Shëndetësisë, Tomaz Gantar, tha sot se “seroprevalenca” e popullsisë në virus është shumë e ulët.

“Seroprevalenca është diku nga 2-4 për qind, që është relativisht e ulët,” tha Gantar para gazetarëve pas mbledhjes së qeverisë ku në rend të ditës ishte dhe hulumtimi serologjik i cili është zbatuar nga Laboratori Mikrobiologjik i Fakultetit të Mjekësisë në Lublanë, në 1.368 njerëz të të gjitha grupmoshave dhe rajoneve të ndryshme.

Sipas mediave sllovene, hulumtimi ka treguar se sëmundjen COVID-19 e kanë kaluar 42-84 mijë qytetarë të Sllovenisë, përkatësisht nga 2-3 për qind të popullsisë, që është më shumë se pritshmëria, por gjithsesi tregon në një nivel relativisht të ulët të seroprevalencës, përkatësisht pjesës së popullsisë që ishte në kontakt me koronavirusin.

Testimi nga 20 Prilli

Testimi vullnetar ka filluar më 20 Prill, me ç’rast qytetarëve u janë marrë analizat nga fyti dhe gjaku, në mënyrë që të vërtetohen nëse nga të studiuarit janë zhvilluar antitrupat në koronavirus.

Nga rezultati i hulumtimeve varet se si do të lehtësohen masat epidemiologjike ose do të hiqen me rastin e periudhës së ardhshme të paralajmëruar të lehtësimit të masave brenda dy javësh.

Rezultatet e hulumtimit, qeveria sllovene zyrtarisht do ti prezantoj nesër. Sipas të dhënave të fundit zyrtare duke u bazuar në testimet e rregullta që kanë filluar nga fillimi i epidemisë, në Slloveni, pas 57.474 testeve janë konfirmuar 1.445 raste me koronavirus. Deri më tani kanë vdekur 98 të infektuar me koronavirus ku pjesa më e madhe janë të moshës së tretë dhe nga azilet e pleqve të cilët përveç COVID-19 kishin dhe sëmundje të shumta shoqëruese.