Koronavirusi prek 23 persona në Shqipëri, MSH: 8 raste të reja, u testuan 145

Sot në mesditë Ministria e Shëndetësisë raporton gjithsjetë 23 raste që kanë rezultuar pozitiv ndaj 298 testeve për koronavirusin e ri, COVID-19, sa janë bërë deri më tani duke shtuar dhe tetë raste të reja brenda 24 orëve.

Zv/ministrja e Shëndetësisë Mira Rakacolli, bëri me dije sot se numri i personave në vetëizolim është 18 ndërsa atyre në vetëkarantinim është 134, dhe të gjitha rastet kanë pasur histori udhëtimi me Italinë.

Zv/ministrja e Shëndetësisë Mira Rakacolli bëri sot me dije se në Spitalin Infektiv ku janë të shtruar rastet e para me koronavirus, në katin e dytë janë edhe 4 pacientë të tjerë që nuk kanë asnjë lidhje me ta, as personeli që u shërben, ndaj nuk janë të rrezikuar. Por me shtimin e rasteve të të prekurve, ai do kthehet i gjithi në një spital COVID.

“Spitali Infektiv është ndërtuar me konceptin e spitaleve infektive që në të njëjtën kohë mund të ketë smëmundje që transmeothen nga njëri rte tjetri, për këtë arsye katet janë krejtësisht të izoluara, me hyrje krejtësisht të vecanta.

Për këtë aryse, kati i parë i spitalit Infektiv është për momentin vetëm në dispozicion të të sëmurëve me COVID. Në katet e tjera ndodhen për momentin 4 pacientë të shtruar në total, nuk kanë asnjë lidhje, as personeli që shërben te kati i parë nuk ka lidhje me ta, e me shtimin e rasteve, të dyja katet e spitalit infektiv do të shndërrohen në një spital COVID.

Njoftim nga Ministria e Shëndetësisë: 

“Gjatë 24 orëve të fundit janë testuar 145 raste për COVID-19 dhe në total janë gjithsesj 298 raste të testuara. Deri në këto momente 23 raste kanë rezultuar pozitiv për COVID-19”. Njoftimi u bë publik gjatë komunimit të përditshëm nga zv/Ministrja e Shëndetësisë Mira Rakacolli.
5 prej ndodhen në spitalin Infektiv në Tiranë (3 rastet nga i identifikuari i parë me COVID-19, një rast tjetër, 31 vjeçari me banim në Tiranë, me histori udhëtimi me Italinë dhe një grua 45-vjeçare nga Rrogozhina, me histori udhëtimi me Italinë). Gjendja e tyre deri në këto momente është e stabilizuar. Ndërsa 18 raste të tjera (në total) që kanë rezultuar pozitiv janë të vetëizoluar në shtëpi pa probleme të veçanta.
Shpërndarja e rasteve të konfirmuara me COVID-19 është si vijon:

Tiranë – 16 raste
Durrës – 3 raste (njera prej të cilave ka ndërruar jetë)
Lushnje – 1 rast
Elbasan – 2 raste
Rrogozhinë – 1 rast
Të gjitha rastet kanë pasur histori udhëtimi me Italinë.

Sikundër e përmendëm 5 prej këtyre personave nga Tirana dhe Rrogozhina ndodhen të shtruar në spitalin Infektiv. Pjesa tjetër ndodhen të vetëizoluar në shtëpi. 2 rastet e reja të Durrësit janë pacientë që kanë patur kontakt me spitalin (të ndjerën), por nuk kanë shenja të sëmundjes dhe janë të vetëizoluar në shtëpi.

Lidhur me mjekët dhe infermiërët e Durrësit 50 testet nga kampioni i parë i kryer në Durrës rezultuan negativë. Do të vijojmë me gjurmimin e rasteve.

Numri i personave në vetëizolim është 18. Numri i personave në vetëkarantimim është 134.