Koronavirusi prek Italinë, mbi 100 të infektuarë

Autoritetet italiane vazhdojn të theksojnë se nuk ka vend për panik numri i të infektuarëve nga koronavirusi në Itali sa shkon e shtohet. Raportimet e fundit flasin për 111 të infektuar, 89 prej të cilëve në Lombardi ndërkohë është pezulluar puna dhe lëvizja në zonat e prekura.

Aktualisht janë shënuar dy viktima ndërsa numri i të prekurëve në Lombardi është 89, Veneto 17, Emilia Romagna 2, në Lazio janë dy turistë kinezë dhe në Piemonte një rast.

Italia renditet e katërta në botë dhe e para në Europë për nurmin e të prekurve nga kjo epidemi.

Ndryshe, Italia ka miratuar një draft ligj me masa speciale për të evituar përhapjen e epidemisë së koronavirusit në nivel kombëtar. Masat speciale të hartuara nga Këshilli i Ministrave janë masa sigurie për  zonat ku janë verifikuar persona të infektuar nga koronavirus.

Ky draft ligj synon të garantojë sigurinë e shëndetit publik në të gjithë territorin kombëtar italian duke mos lejuar largimin e personave nga zonat ku janë verifikuar rastet pozitive nga koronavirus, pra në 10 komunat e Lombardisë e në 1 komunë në Veneto.