Koronavirusi pushton Botën, numri më i madh i të vdekurve në Itali, të infektuar në SHBA!
Nga dita që shpërtheu në Kinë dhe deri më sot koronavirusi ka lënë të vdekur 53.693 njerëz, raporton Agjencia e lajmeve AFP, ndërsa 188 shtete janë infektuar 1.035.380 njerëz, por kjo shifër nuk pasqyron gjendjen faktike pasi një numër i madh i shteteve nuk bënë testimi. Ndryshe, thekson AFP, do të rritej numri i pacientëve që do të duhej të pranoheshin në spital.
Nga më shumë se një milion të prekur me COVID-19, 201.500 njerëz konsiderohen të shëruar.
Në Itali në 24 orët e fundit kanë vdekur 766 persona ndërsa janë prekur edhe 4.585 duke e çuar në 119.827 numrin e të prekurve me koronavirus 18.278 prej të cilëve janë shëruar ndërsa kanë vdekur 14.681.
Spanja me 10.935 të vdekur renditet pas Italisë, por numri i të prekurve ka kaluar Italinë, me 117.710 të infektuar.
Numri i të infektuarve në SHBA është të paktën 257.773 persona ndërsaderi më tani në Shtetet e Bashkuara kanë vdekur 6.586 persona. Sipas Worldometers, në SHBA gjatë 24 orëve të fundit kanë vdekur 700 persona. Ndërkohë në SHBA janë shëruar 9.228 njerëz.
Ministri i Shëndetësisë i Britanisë së Madhe, Matt Havncock sot ka kërkuar nga qytetarët që të mos dalin nga shtëpia gjatë fundjavës edhe pse është paralajmëruar moti i mirë
“Nuk duhet të heqim dorë nga masat e distancimit social. Nëse heqim dorë, njerëzit do të vdesin. Kjo nuk është këshillë, por kërkesë, rrini në shtëpi,” tha Hancock.
Një lajm ndryshe nga Turqia. Duke filluar nga mesnata hyn në fuqi ndalim qarkullimi për njerëzit më të ri se 20 vjeç, në kuadër të masave në luftën kundër koronavirusit. Pushteti ka mbyllur kufinjtë e 31 qyteteve për 15 ditët e ardhshme, ndër të cilët edhe Stambolli dhe Ankaraja.
Në Turqi gjatë 24 orëve të fundit kanë vdekur 69 ndërsa janë prekur edhe 2.786 duke e çuar në 20.921 numrin e të prekurve me koronavirus, ndërsa ai i të vdekurve 425.
Suedia duhet të përgatitet për mijëra të vdekur nga COVID-19, tha sot kryeministri suedez.
“Do të numërojmë mijëra të vdekur. Duhet të përgatitemi për një gjë të tillë,” tha Kryeministri Stefan Lofven për të përditshmen “Dagens Nyheter”.
Në Francë, gjatë 24 orëve të fundit nga koronavirusi në spitale kanë vdekur 588 njerëz. Në Francë filloi numrimi i vdekjeve nga koronavirusi dhe ata që kanë vdekur në azile të pleqve, dhe kjo ishte arsyeja pse ky numër u rritë përnjëherë në 1.200, edhe pse këto vdekje nuk kanë ndodhur në 24 orët e fundit.
Pra, sipas të dhënave të fundit, në Francë deri më tani nga COVID-19 kanë vdekur 6.500 njerëz. Ky numër përfshinë ata që kanë vdekur në spitale – 5.091(ku përfshihet numri i 588 të vdekurve në 24 orët e fundit), por edhe 1.416 raste të vdekjeve që lidhen me koronavirus dhe kanë ndodhur për një muaj në azilet e pleqve.
Në Irlandë gjatë 24 orëve të fundit kanë vdekur 22 persona ndërsa janë zbuluar edhe 400 raste të reja duke e çuar në 4.273 numrin e të prekurve me koronavirus ndërsa 120 kanë vdekur.
Në Tunizi autoritet kanë vendosur robotin polic nëpër rrugë në mënyrë që të siguroj respektimin e karantinës gjatë pandemisë së koronavirusit.
