Koronavirusi/ Thirrje, Basha: Të nisin kontrollet në pikat kufitare!

Pas situatës së rënduar në Italinë fqinje dhe tashmë viktimave të para nga koronavirusi, ka reaguar edhe Kryetari i Partisë Demokratike, Lulzim Basha, duke i bërë thirrje qeverisë të marrë masa serioze dhe të menjëhershme ndërsa autoriteteve shëndetësore të nisin kontrollet në pikat kufitare

“Për fat të keq në Italinë fqinje janë shënuar viktimat e para nga coronavirusi ndërkohë që po rritet numri i të prekurve prej tij. I kërkoj qeverisë të marrë masa serioze dhe të menjëhershme. I bëj thirrje autoriteteve shëndetësore të nisin kontrollet në pikat kufitare,” thekson Lulzim Basha në reagimin e tij përmes rrjetit social Twitter duke shtuar:

“Çdo pikë kontrolli kufitar dhe qendër shëndetësore të pajiset pa asnjë vonesë me personelin dhe aparatet e duhura për të evidentuar dhe trajtuar në kohë çdo rast të mundshëm.”