Koronavirusi/ Vendimi, Conte: E gjithë Italia në karantinë!

“Nuk do të ketë më një ‘zonë të kuqe’. Masat strikte do të shtrihen nesër në të gjithë Italinë.” Kështu u shpreh pak minuta më parë në një konferencë për shtyp, kryeministri i Italisë, Giuseppe Conte, duke kërkuar nga të gjithë populli italian që të qëndrojë në shtëpi.

“Të prekurit dhe viktimat nga Covid-19 po rriten në mënyrë të ndjeshme!”

“Lëvizjet nga një rahon në tjetrin për punë, nevoja të rëndësishme apo shëndetësore duhet të raportohen te autoritetet,” tha Conte duke kërkuar nga italianët që të ndryshojnë zakonet e jetës së përditshme për të mirën e Italisë.

Shkollat dhe universitetet do të qëndrojnë të mbyllura deri në 3 prill.