Korrigjimi i kufirit/ Haradinaj e kundërshton, Vuçiç: Për cilin kufi e ka fjalën, atë që e pranon Rusia apo Amerika?!

Duke komentuar kundërshtimin e kryeministrit të Kosovës Ramush Haradinaj për korrigjimin e kufijve, Presidenti i Serbisë, Aleksandar Vuçiç tha se për cilin kufi e ka ai fjalën, për atë që e pranon Rusia apo Amerika”

“Për cilin kufi është fjala? Atë që e pranon Rusia apo atë që e pranon Amerika, atë që pranon Spanja ose Italia, atë kufi që e pranon Kina ose Gjermania?”.

Ata që gjatë gjithë kohës më predikojnë, dhe nuk e kanë pranuar kufirin në mes të serbëve dhe serbëve, të cilët e kanë zhvendosur zgjidhjen e çështjes së Kosovës nga OKB në BE, ata që shkuan në mendimin katastrofiik këshilldhënës të Gjykatës Ndërkombëtare të Drejtësisë, thonë se nuk duan ndryshimin e kufijve duke ra dakord me ata që nuk dëshirojnë ndryshimin e kufijve sepse për ta Kosova është e pavarur, theksoi Presidenti i Serbisë i shqetësuar si kurrë më parë.

“Ata që këtë e thonë nëpër Evropë na thonë: Serbë, keni humbur të gjitha në Kosovë, i gjithë territori është shtet i pavarur, mos kërkoni as një pëllëmbë Kosove! Ky është mesazhi i tyre për neve. Për fat të keq, jam shumë i vetmuar në Serbi, në rajon dhe relaitivisht i vetmuar në Evropë,” konstatoi presidenti i Serbisë, Aleksndar Vuçiç gjatë një vizitë në Spitalin e Fëmijëve në Tirishevo ku po kryhen ndërtime, ndërsa shtoi se i vjen mirë që dëgjoi se opozita në Serbi dhe zyrtarët në Bruksel janë dakord se Kosova është e pavarur, por pret se si do ti detyrojnë serbët që ta pranojnë një fakt të tillë, dhe si zakonisht e mbylli me pak si shumë patriotizëm:

“Nuk ekziston ajo fuqi që do të më detyroj ta pranoj pavarësinë e Kosovës, nuk ka njeri në botë. Ja pra, unë nuk dua, dhe nuk do ta kenë kurrë shumicën,” përfundoi Aleksandar Vuçiç duke ripërsëritur këtë togfjalësh edhe pse tani me një ton më të ashpër.