Korrigjon vendimin emocional, Thaçi nesër i drejtohet qytetarëve të Kosovës
Ndonëse ishte parashikuar që sot në orën 20:00 Presidenti Hashim Thaçi ti drejtohet qytetarëve të Kosovës, këtë vendim Thaçi e shtynë për ditën e hënë, 29 Qershor, në orën 20:00.
Lajmin e ka konfirmuar Zyra e Presidentit të Kosovës, përmes një komunikate për media.
Nuk dihen arsyet e ndryshimit të këtij vendimi i cili vjen pas bisiedimeve që zhvilloi me Përfaqësuesin e Posaçëm të Presidentit të SHBA, Donald Trump, në dialogun Kosovë-Serbi, Richard Grenell, takimit me Kryeministri Edi Rama në Vlorë apo thjeshtë kemi të bëjmë me korrigjimin e një vendimi emocional për t’iu drejtuar qytetarëve të Kosovës të cilët vetëm të vërtetën kësaj aktakuze të Gjykatës Special nuk e dinë.
Ndryshe, ky është dhe drejtimi i parë qytetarëve pas njoftimit të Zyrës së Prokurorit të Specializuar se më 24 prill u ka dërguar Dhomave të Specializuara të Kosovës, me seli në Hagë, një aktakuzë me dhjetë pika për shqyrtim, në të cilën presidenti i Kosovës, Hashim Thaçi, kryetari i Partisë Demokratike të Kosovës, Kadri Veseli dhe të tjerë, akuzohen për krime kundër njerëzimit dhe krime lufte ndër të cilat, vrasje e paligjshme, zhdukje e detyruar e personave, përndjekje dhe tortura.
