“Korrupsion, Pastrim parash, Fshehje pasurie”, SPAK merr zyrtarisht të pandehur Erion Veliajn, nesër i komunikohen akuzat

SPAK merr zyrtarisht të pandehur Kryetarin e Bashkisë Tiranë, Erion Veliaj, për akuzat e korrupsionit, pastrimit të parave dhe fshehjes së pasurisë.

Burime për BW bëjnë me dije se akuzat do t’i komunikohet nesër më 23 korrik.

Avokatët dhe Veliaj janë njoftuar zyrtarisht nga Prokuroria e Posaçme.

Nuk dihet nëse kryebashkiaku i Tiranës do të lërë për pak orë qelitë e paraburgimit në Durrës për t’u përballur me prokurorët e posaçëm, Altin Dumani dhe Ols Dado.

Ajo çfarë mbetet e paqartë është nëse SPAK do ta përcjellë dosjen për në Gjykatën e Posaçme apo do të shtyjë afatet e hetimit.

Erion Veliaj mbahet në paraburgim prej 10 shkurtit të këtij viti.

Ai po hetohet bashkë me bashkëshorten Ajola Xoxa dhe 6 biznesmenë për akuzat e korrupsionit, fshehje pasurie dhe pastrim parash.