“Korrupsioni gjyqësor”, Yuri Kim: Kusht i BE. Asnjë gjyqtar e prokuror nuk është dënuar!
Ambasadorja e Shteteve të Bashkuara në Tiranë, Yuri Kim, duke i bërë thirrje drejtësisë shqiptare që të hetojë korrupsionin gjyqësor i kujtoi mazhorancës se hetimi i korrupsionit gjyqësor është përfshirë në kushtet e BE për hapjen e negociatave me Bashkimin Evropian.
Përmes një mesazhi në rrjetin social “Twitter”, teksa e shoqëron me deklaratën e Kryetariti të Grupit Parlamentar të PS, Taulant Balla, lidhur me spastrimin e sistemit të drejtësisë, Ambasadorja e SHBA thekson se deri më tani asnjë prokuror apo gjyqtar që nuk e kaluar Vettingun, nuk është ndjekur penalisht apo dënuar.
“Që kur ka filluar Vettingu, asgjë gjyqtar apo prokuror i vetëm nuk është ndjekur penalisht apo dënuar. Nevoja për të hetuar korrupsionin gjyqësor, përtej Vettingut, është përfshirë në kushtet e përcaktuara nga BE për hapjen e negociatave me BE,” thekson në mesazhin e saj, Ambasadorja e SHBA në Tiranë, Yuri Kim.
Ndryshe, deklarata e Ambasadores së SHBA në Tiranë, Yuri Kim, vjen pas deklaratës së Holandës si njëri nga shtetet skeptike se Shqipëria nuk i ka plotësuar kushtet dhe refuzon konferencën e parë ndëqeveritare si dhe deklaratën e mazhorancës shqiptare se kushtet e përcaktuara janë plotësuar.
