Korrupsioni i Edi Ramës u bë Kos i UDB-së!
nga Agim Popoci
Nga dita kur u publikua një resme e Komisioneres për zgjerimin të BE, Marta Kos, me të birin e sorosëve, pritej një zgjidhje e problemit me korrupsionin që i ka ngelë në grykë Edi Ramës me qeverinë e tij, por askush nuk e mendonte se ky llum udbash i Brukselit do të akuzonte popullin shqiptar pse Qeveria Rama është e korruptuar!
Këtë vlerësim të Marta Kos nuk e bënë më absurd fakti se vjen nga një diplomate sllovene, vëllai i së cilës, Drago Kos, akuzohet për korrupsion deri në Ukrainë dhe askush nuk tha se populli slloven është i korruptuar; Dhe, vjen nga një zyrtare e lartë e partisë kreu i së cilës është sot Kryeministër i Slovenisë, Robert Golob, i akuzuar nga drejtësia për korrupsion, dhe, si lideri i opozitës Janez Jansha ashtu dhe të gjithë politikanët e kësaj bote, duke përfshirë dhe liderin e opozitës shqiptare Sali Berisha, nuk thanë se shoqëria sllovene e ka pranuar këtë korrupsion!
Por, sepse vjen nga një agjente e UDB-së së Beogradit që ka mbrojtur dhe mbron interesat e komunistëve shqiptarë në Tiranë; Si dhe vjen nga një Përfaqësuese e lartë e Bashkimit Evropian që financon Reformën në Drejtësi, reformë e cila prodhoi SPAK dhe GJKKO-në, dhe sot mbështet Edi Ramën edhe kur ai shpërfill këto institucione kur konstatojnë dhe akuzojnë me fakte për korrupsion, zëvendësen e tij, Belinda Balluku!
Ndërsa shqiptarët, sot, me të drejtë pyesin, korrupsioni i Edi Ramës u bë kos nga BE apo UDB?!
Nëse shqiptarët panë se si u kanabizua toka shqiptare nga Qeveria Rama dhe si përfunduan prokurorët e kësaj çështje në rrugë sepse guxuan të akuzojnë Ministrin e Brendshëm, Saimir Tahiri, ndërsa BE zgjodhi heshtjen për këtë rast duke vazhduar mbështetjen e kësaj politike kriminale të Edi Ramës edhe pasi autoritetet italiane sollën dëshmi dhe dënuan bashkëpunëtorët e Tahirit për trafik ndërkombëtar droge, sot me të drejtë pyesin pse ata janë të korruptuar kur përfitimet, ish-ministri i Edi Ramës nuk i ndau me popullin por ndërtoi resort turisitik!
Shqiptarët fillimisht dëgjuan dhe më pas kishin rastin të shohin vetëm dokumente sepse inceneratorë nuk kishte asgjëkundi ndërsa qindra miliona të vjedhur nga Lali Eri me bandën e tij të miratuar me firmën e Edi Ramës gjithandej, ndërkohë, si institucionet e drejtësisë së financuar nga BE, vetë Kryeministri Rama ashtu dhe vetë Marta Kos nuk pyetën se ku janë vallë këta inceneratorë për të cilët u bë gjithë kjo rrëmujë mediatike dhe politike! Dhe, në fund, shqiptarët pasi dëgjuan zonjën që bëri gjithë këtë korrupsion kos, verifikuan edhe një herë portofolet e tyre nëse kanë përfituar diçka pasi Komisionerja për Zgjerimin e BE u tha se e kishin pranuar gjithë këtë batërdi kriminale; Por, jo, janë edhe më shumë të varfër se sa në ditën kur erdhi kjo parti kriminale komuniste në pushtet!
Nga milionat e vjedhura për Rindërtim nga Tërmeti shumë shqiptarët do të zgjidhnin shumë probleme shëndetësore e sociale por ato janë vjedhur nga Qeveria Rama pavarësisht se kë fajësojnë kjo kastë kriminale përderisa kanë kaluar më shumë se 6 vjet nga tërmeti shkatërrimtar dhe paret nuk dihet se ku janë, as hajdutët dhe as shqiptarët deri më sot, siç thotë Marta Kos, nuk e kanë pranuar!
Drejt punëve ekselente mund të kishin shkuar disa koncesione që dha kjo qeveri sikur të ishin dhënë në duart e duhura, por, në këtë rast jo shoqëria shqiptare por Bashkimi Evropian të cilin e përfaqëson Marta Kos dhe po mundohet ta zgjeroj, është vetë problemi. BE heshti kur kjo qeveri vodhi paret e shqiptarëve për Check Up, Dializë dhe Sterilizim ndonëse u konstatuan edhe nga SPAK, madje e pranoi vjedhjen duke mos dashur as t’ia dijë se nga i merr Edi Rama paret që organizon Samite të BE në Tiranë, kur po kjo qeveri vjedhë edhe subvencionet që Brukseli zyrtar i dha për Bujqësinë!
Pas deklaratës kriminale të Komisioneres për Zgjerimin e BE mbi punën ekselente të Shqipërisë, shqiptarët u vërtitën shumë nëpër dokumentet dhe lajmet mbi punën e Qeverisë Rama për ta gjetur këtë lloj pune, por, nëse ka diçka ekselente që lidhet me këtë Qeveri është i gjithë korrupsioni i menaxhuar nga Ministrja e Transportit dhe Energjisë, Belinda Balluku, si dhe vjedhjet e Lali Erit me shpikjen kriminale 5D, vetëm se nuk ju dalin hesapet me rrugën e duhur! Sepse, kot që flet Marta Kos, as rrugë, as ura dhe as rindërtim nuk ka sepse të gjitha i ka vjedhur kjo mazhorancë komuniste shqiptare, punën e së cilës ajo po mundohet me mish e me shpirt ta idealizoj, për të përbashkuar punën në BE dhe dy personazhet kriminale në resme që po mundohen ta bëjnë korrupsionin e Edi Ramës, kos, dhe popullin shqiptar të korruptuar!
Për të kuptuar arsyen e kësaj propagande të pështirë, mjafton historiku politik i Marta Kos, partisë së saj në Sloveni, dhe, akuzave pa doganë që ka lëshuar kjo parti kur ishte në opozitë, dhe, sot, të gjithë të akuzuarit deri tek Ish-Kryeministri Janez Jansha janë shpallur të pafajshëm, kur rezulton se Liberalët e Kos ngjajnë si dy pika loti si me Edi Ramën ashtu dhe partinë e tij kriminale, PS, ndërkohë relativizojnë akuzat konkrete nga drejtësia për qeverinë aktuale, si nga Marta që sot është Komisionere ashtu dhe BE-në e dashuruar në Serbi!
Dhe, shqiptarët nuk duhet të jenë të kënaqur pse vëllai i Marta Kos, Drago, i cili sot akuzohet për korrupsion nga Zyra e Prokurorit të Specializuar Kundër Korrupsionit ose saktësisht emërimin e Semyon Krivonos si drejtor i Byrosë Kombëtare Kundër Korrupsionit të Ukrainës, NABU, as me njërin prej skandaleve më të mëdha të përgjimeve që lidhet me kompaninë izraelite Black Cube ku
përmenden ryshfete, lobime ilegale, keqpërdorim fondesh publike që lidhen me
biznesmenë, ish-ministra e figura të lidhura me partitë kryesore, as me ndërhyrjet në polici dhe emërimet e paligjshme, as me faktin se ministrja e Jashtme e Slovenisë të cilën e përzgjodhi Kryeministri aktual Robert Golob është, Tanja Fajon, kriminelja që akuzoi Qeverinë Berisha në Parlametin Evropian se kishte sulmuar dhe i kishte nxjerr foshnjën me thikë nga stomaku, gruas shtatzënë të kryebashkiakut të Kavajës, Elvis Roshi, rast ky i njohur si “Griselda” i cili u zbardhë për disa orë, por, Tanja heshti, për të kërkuar falje as që bëhet fjalë!
Heshti, sepse vetëm me ardhjen në pushtet u zbulua se nuk ishin liberalët sllovenë që erdhën në pushtet, por, udbashët nën kontrollin e agjentes Marta Kos, që është dhe përgjigja e përbuzjes në vijimësi që po i bënë Bashkimi Evropian shqiptarëve, që nga momenti kur shkeli në fron, Edi Rama!
Ndërsa ndërhyrja në sistemin e drejtësisë, ajo që i ka munguar Edi Ramës që në momentin që vendosi rritjen e mirëqenies shqiptare, ashtu siç tha Ish-Kryeministri Arben Ahmetaj, duke kanabizuar tokën shqiptare, ishte nevojë e domosdoshme të cilën e ka shpjeguar shumë mirë filozofi dhe kritiku, Slavoj Žižek, i cili nuk flet për korrupsionin si fenomen juridik por si problem sistemik dhe ideologjik.
“Mos i fajësoni njerëzit dhe qëndrimet e tyre: problemi nuk është korrupsioni apo lakmia, problemi është sistemi që ju shtyn të jeni të korruptuar. Zgjidhja nuk është ‘Main Street, jo Wall Street’, por ndryshimi i sistemit ku Main Street nuk mund të funksionojë pa Wall Street,” thotë Slavoj Žižek duke menduar se si do ti shërbej të majtës, i bindur se korrupsioni nuk është vetëm çështje individësh të këqij, por një pjesë e makinerisë ideologjike dhe ekonomike që riprodhon pabarazi dhe dominim.
Në fund, pse gjithë këto përgjime të SPAK përfunduan në media, pse debati për Ballukun u ngjit dhe zbriti nga nivelet më të larta shtetërore dhe pse u krijua ideja sikur Kryeministri nuk e lëshon Belinda Ballukun ndërkohë hajdutët më të mëdhenj shqiptar i gëzojnë pasuritë e vjedhura brenda dhe jashtë burgut si Tahiri, Fuga, Agaçi, Veliaj, Beqja etj. ndërsa opozita i akuzon në ekstrem derisa kokat e larta sorosiane vendosën që ka ardhë dita që edhe korrupsioni i Edi Ramës duhet bërë kos me tharm UDB-je, përgjigjen edhe për këtë situatë absurde e ka dhënë filozofi slloven Slavoj Žižek:
“Edhe pse ‘klasa sunduese’ nuk pajtohet me agjendën morale të populistëve, ajo toleron ‘luftën morale’ si një mjet për të mbajtur nën kontroll klasat e ulëta… domethënë, u mundëson atyre të artikulojnë tërbimin e tyre pa shqetësuar status quonë ekonomike.”
