“Koshovica”/ Para dhe favore seksuale, dy të arrestuar…

Pasi kërkuan para dhe favore seksuale ndaj një gruaje me qëllim që të mos i publikonin fotot intime në rrjetet sociale, dy burra kanë përfunduar në pranga.

Operacioni policor i koduar “Koshovica” çoi në pranga shtetasit G.M, 44 vjeç, dhe J.Sh, 46 vjeç, banues në Cakran. 

“Arrestimi në flagrancë i këtyre shtetasve u bë pasi në bashkëpunim me njëri tjetrin, dyshohet se kanë shantazhuar  dhe kërcënuar një shtetase,  duke i kërkuar para dhe favore seksuale me qëllim mos publikimin në rrjetet sociale të disa fotove personale të saj,” sqaron policia duke saktësuar se operacioni u realizua pas një hetimi disa javor.

Nga tërësia e veprimeve të kryera, shtetasit e sipërpërmendur kanë konsumuar elementët e veprës penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim.

Materialet për veprime të mëtejshme do i kalojnë Prokurorisë pranë Gjykatës së Shkallës së Parë për Krimet e Rënda Tiranë.