Kosova dhe Maqedonia e Veriut heqin barrierat tregtare
Ministri në dorëheqje i Tregtisë dhe Industrisë i Kosovës, Endrit Shala dhe ministri i Ekonomisë së Maqedonisë së Veriut, Kreshnik Bekteshi pas një takimi që zhvilluan sot në Prishtinë ranë dakord që deri në fund të javës të hiqen barrierat tregtare si nga Kosova ashtu edhe nga Maqedonia e Veriut.
“Ne si ministri por edhe Agjencioni i Ushqimit dhe Veterinës jemi dakorduar që agjencioni ynë të dërgojë garancione shtesë drejt Maqedonisë së Veriut. Agjencioni i Ushqimit dhe Veterinës i Kosovës do të sigurojë Agjencionin e Ushqimit dhe Veterinës së Maqedonisë së Veriut për programin për monitorimin aktiv të produktit të vezëve të peshkut me qëllim që Agjencioni i Ushqimit dhe Veterinës së Maqedonisë së Veriut ta më të lehtë që pastaj atë produkt ta tregojë në vendet e BE-së,” tha Shala pas takimit.
Ndërsa ministri i Ekonomisë së Maqedonisë së Veriut, Kreshnik Bekteshi, tha se Maqedonia e Veriut nuk e ka vendosur këtë masë vetëm ndaj Kosovës por edhe ndaj vendeve tjera fqinje.
“Maqedonia e ka vendosur këtë masë ndaj të gjithë shteteve që nuk e implementojnë monitorimin aktiv sa i përket produkteve të peshkut. Që nga viti i kaluar ne si qeveri i kemi njoftuar institucionet përkatëse si Kosovën, Shqipërinë, Serbinë dhe Bosnjën për këtë program me të vetmin qëllim që t’i eksportojmë produktet tona në BE.”
Jemi dakorduar që deri në fund të javës agjencioni ynë t’i përfundojë detyrat e veta dhe pas kësaj agjencioni i Maqedonisë së Veriut ta heq atë barrierë ndaj Republikës së Kosovës. Parimisht u dakorduam për këta hapa, ka sqaruar Shala:
“Kur të përfundon kjo do të eliminohet masa nga ne si Ministri e Tregtisë po edhe barriera që po iu shfaqet biznese tona në Republika e Maqedonisë së Veriut. Jemi dakorduar të dy ministrat bashkë me kryeshefat e agjencive të Ushqimit. Deri të premten kërkesa do të dërgohet të agjencioni përkatës. Pas së premtes kjo problematikë do të eliminohet. Jemi dakorduar që në të ardhmen të mos kemi barriera të tilla,” tha Ministri në dorëheqje i Tregtisë dhe Industrisë i Kosovës, Endrit Shala.
