Kosova e fillon ditën me një tërmet 

Një tërmet me magnitudë 3.2 të shkallës Rihter ka tronditur mëngjesin e sotëm qytetin e Gjilanit ndërsa krijoi panik edhe në qytetet, Prishtinë e Ferizaj.

Tërmeti i cili u regjistrua në orën 07:20, sipas Qendrës Mesdhetare Sizmologjike, EMSC, ishte me epiqendër vetëm 9 kilometra nga Gjilani dhe 39 kilometra nga kryeqyteti, Prishtinë, dhe thellësi 4 kilometra ndërsa ka shkaktuar panik ndër qytetarët.

Ndërkohë Instituti i Gjeoshkencave në Tiranë, IGJEO, raporton për një tërmet i cili ra në orën 7: 20 me magnitudë 3.3 të shkallës Rihter dhe 15 kilometra thellësi, me epiqendër në Partesh.