Kosova, e vetmja në rajon pa liberalizim vizash. Pse?! Cramon: Pyesni Presidentin Macron!
Raportuesja për Kosovën në Parlamentin Evropian, Viola von Cramon, sot më e drejtëpëdrejtë se kurrë sqaroi pse Kosova është vendi i vetëm në rajon pa liberalizim vizash, dhe pse nuk beson se Kosova do të mund të anëtarësohet shpejtë në NATO!
“Pyesni presidentin e Francës, unë nuk jam zëdhënësja e tij,” Ishte e prerë Raportuesja e Kosovës në Parlamentin Evropian ndërsa sugjeroj që që të mos rriten pritshmëritë se aplikacioni i Kosovës në NATO do të pranohet.
“Mund ta kuptoj se ky vend që ka vuajtur shumë në luftë dhe ende nuk ndjehet rehat në këtë fqinjësi, ka gjithmonë vullnet dhe dëshirë që të siguroj një mbrojtje më të madhe dhe më shumë siguri nga Aleanca. Por, të jem e sinqertë në këtë moment nuk e di se do ta kemi një mazhorancë në favor të kësaj, ose të themi që aplikacioni ka gjasa të vogla që të pranohet, po kjo nuk varet nga unë. Nuk do t’i kisha rrit pritshmëritë në këtë moment,” tha Raportuesja Cramon në një intervistë për Televizionin publik të Kosovë, RTK, ndërsa nuk e ka të njëjtin mendim për aplikimin e Kosovës në Këshillin e Evropës, sepse mendon se kjo është punë e ekzekutivit kosovar dhe shpreson se bisedimet dypalëshe do të shkojnë në favor të Kosovës.
“Janë disa shtete në favor të anëtarësimit, shpresoj se bisedimet do të jenë në favor të Kosovës. Shpresoj se do të arrihet mazhoranca,” tha Raportuesja për Kosovën në Parlamentin Evropian, e cila gjatë këtij muaji vizitoi Kosovën.
Viola von Cramon edhe sot kishte një mesazh për Serbinë se nuk mund të mbajë qëndrim edhe pro perëndimor edhe pro Moskës.
“Ne duhet të kemi një qëndrim të qartë të Serbisë se a janë në anën e agresorit apo të viktimës. Fushata nga shumica e tabloideve në Serbi është e papranueshme dhe ne e shohim si diçka që duhet të tejkalohet dhe do të ishte edhe në interes të presidentit Vuçië që t’i njoftoj qytetarët e vet në mënyrë të duhur dhe jo të përhapet propaganda ruse,” tha Cramon.
Ndryshe raportuesja për Kosovën tha se Komisioni Evropian ende nuk i ka kthyer përgjigje një letre të eurodeputetëve të cilët kërkuan sanksione kundër Serbisë.
