Kosova, mollë sherri mes Serbisë dhe Malit të Zi

Deklarata e Ministrit të Mbrojtjes të Malit të Zi, Predrag Boshkoviç, se shteti i tij përkrah Kosovën në rrugën e saj euroatlantike, ka ngjallur reagime të  ashpëra në Serbi.

Ministri i Mbrojtjes i Serbisë, Aleksandar Vulin, tha se Mali i Zi tashmë që edhe zyrtarisht është pjesë e KFOR-it, duhet ta dijë se ky mision është themeluar në bazë të Rezolutës 1244 ku Kosova nuk përmendet si shtet i pavarur.

“Anëtarët e misionit të KFOR-it duhet të jenë neutralë ndaj statusit dhe për këtë arsye deklaratat e ministrit të Mbrojtjes të Malit të Zi për mbështetjen e shtetit të Kosovës nuk janë në përputhje me misionin e KFOR-it. Shpresoj që Mali i Zi të kuptoj se oficerët i ka dërguar në misionin e  KFOR-it dhe jo në Forcën e Sigurisë së Kosovës, ” tha Vulin gjatë vizitës së tij në Kinë.

Ndryshe, dje gjatë vizitës në Kosovë, Ministri i Mbrojtjes i Malit të Zi, Predrag Boshkoviç tha se Mali i Zi e mbështet Kosovën në rrugëtn e saj euroatlantik dhe se Kosova është shtet i pavarur sovran.